Index

శ్రీ విష్ణు సహస్రనామ అంతరార్థము

నామం	అంతరార్థము
వత్సరః వత్సలః వత్స	అన్ని రూపాలూ కర్మలూ అందులోనే వసిస్తున్నాయి. అన్నీ తనవే గనుక అందరికీ వత్సలుడాయన. అవిగాదు తనలో వసించటం. అసలు తనలో తానే (వత్సీ) వసిస్తున్నాడు.
రత్నగర్భః ధనేశ్వరః	అంతా స్వరూపమే కాబట్టి ప్రతి ఒక్కటీ విలువైన రత్నమే. అది ఆ చైతన్య గర్భంలోనే ఉంది. అమూల్యమైన ఆ ధనానికంతా అధిపతి అదే.
ధర్మగుప్ ధర్మకృత్ ధర్మీ	ఇంతకూ ధర్మమని నీవు భావించే దానినంతటినీ తనలో గుప్తం చేసుకుంటాడు. తానే దానిని బయట పెడుతూ అది ఏదో గాదు మరలా తన స్వరూపమే (ధర్మ) నని చాటుతుంటాడు. ధర్మి నీవూ నేనూ కాదు. పరమాత్మ.
సత్ అసత్ క్షరమ్ అక్షరమ్	అసలు దానికి వేరుగా ఏదీలేదు. ఉన్నదంతా అదే (సత్) లేనిదంతా కూడా అదే (అసత్) రజ్జుసర్పాలు రెండూ అదే. అంతేకాదు. ఆభాస రూపంగా ఎప్పటికప్పుడు (క్షర) నశించేది అదే. వస్తురూపంగా (అక్షర) ఎప్పటికీ నశించనిదీ అదే.
అవిజ్ఞాతా సహస్రాంశుః	వివిధంగా విశేషంగా చూచే జ్ఞాత జీవుడు. ఇలాంటి జ్ఞాతకా డాయన సర్వజ్ఞుడు. తన చైతన్య మండలంనుంచి వెలువడిన సహస్రాంశువులే ఈ నామరూపాలు.
విధాతా కృత లక్షణః	వివిధ రూపాలుగా వీటిని తీర్చిదిద్ది - ప్రత్యేకంగా వీటికాయా లక్షణాలను కల్పించి వీటికి నియామకుడయి ఉన్నాడు.
గభస్తినేమిః సత్త్వస్థః సింహః	నామరూపాలనే ఈ దీప్తి కిరణాల కన్నింటికీనేమి -కేంద్రమది. కిరణచక్రమది. తన సత్త్వంలో తానుంటూ మరలా సత్త్వశుద్ధి మూలంగా భాసిస్తుంది. దానికి ప్రతిద్వంద్వి అయిన

Page 39

బ్రహ్మశ్రీ యల్లంరాజు శ్రీనివాస రావు