Index

శ్రీ విష్ణు సహస్రనామ అంతరార్థము

నామం	అంతరార్థము
అమోఘః పుండరీకాక్షః	మాతో కలిసి ఉన్నా మా ఓఘం (మోఘం) ఈ సంసార ప్రవాహం దానిమీద పనిచేయదు. అది అమోఘం. ఇది ఉందని చూచే మానవుడి హృదయపుండరీకం కేంద్రంగా చేసుకొని అన్నీ దర్శిస్తున్న
వృషకర్మా వృషాకృతిః	(అక్ష) దది. ఏమిటా అన్నీ. మనం చేసే పుణ్యకర్మలు. వృషమంటే పుణ్యం, ధర్మం. అసలది వృషాకృతి- ధర్మస్వరూపం.
రుద్రః బహుశిరాః బభ్రుః	ధర్మం మనచేత చేయిస్తున్నది కూడా అదే. ప్రాణరూపంగా మనలో చేరి అన్ని పనులూ చేస్తున్నది. రుద్రమంటే రోదించే లేదా ధ్వనించే ప్రాణస్పందం, బహుశిరాః బహుముఖాలుగా రక్తంలో చేరి ప్రసరిస్తున్నదది, మరలా ఈ బహు వ్యాపారాల నన్నిటినీ రాత్రి కాలంలో ప్రళయకాలంలో తనలోనే భరిస్తున్నది. బభ్రు.
విశ్వయోనిః	విశ్వానికంతా యోని ఉత్పాదకమది. మరలా దానికీ విశ్వమే యోని. సాధించి పట్టుకోవలసిన ప్రమాణం.
శుచిశ్రవాః	అయితే పట్టుకోటానికి శుచి అయిన శ్రవస్సు అంటే పరిశుద్ధమైన జ్ఞానమలవడాలి మనకు. జ్ఞానంతోనే జ్ఞానాన్ని పట్టుకోవాలి. భగవంతుడు జ్ఞానస్వరూపుడు. అది శుద్ధమైన కేవల జ్ఞానం. మన జ్ఞానమూ అలాంటిదే అయితే అందుకోగలదు. అదే బ్రహ్మాకారవృత్తి.
అమృతః శాశ్వతస్థాణుః	అప్పుడే అది అమృతం. మృతమంటే మార్పు. మార్పులేని స్థితి అమృతం - శాశ్వతం కూడా. ఎప్పటికీ నిలుస్తుంది. స్థ+అణు, నిశ్చలమూ - అతిసూక్ష్మమూ అయిన తత్త్వమది.

Page 17

బ్రహ్మశ్రీ యల్లంరాజు శ్రీనివాస రావు