ఏవం సతి సదా త్మనైవ సర్వోయం నామరూప ప్రపంచః సత్యం తద్వ్యతిరేకేణ స్వతో నృతమితి యదుక్త మాచార్యేణ త దక్షరశః యధార్థం భవితు మర్హతి - య దుపలభ్యతే తద్వాస్తవం - న యథాత దుపలభ్యతే తధాహి రజ్జు రూపేణ యదుపలభ్యతే తత్సత్యం నతదేవ యధా సర్పరూపేణ ప్రతీయతే - సత్యేవం న భే తవ్య మస్మాభిః వికల్పేషు విద్యమానేషు నిర్వికల్ప ఆత్మా కధం సిద్ధ్యతీతి - ఆత్మన ఏవ ఆభాసా స్తే వస్తు స్వరూప మాత్మానం న బాధంతే యధా కటక కుండలాదయః సువర్ణం విజాతీయా శ్చే ద్విరోధినోభవేయుః – నతే విజాతీయా శ్శరీరా దయో వికల్పా ఆత్మ సత్తాయాః సత్రైవ తధా భాసతే ఇతి సజాతీయా ఏవతే సర్వే
ఏవం విమృశ్యమానే నిర్వికల్ప ఏవాత్మా సవికల్పోపి యధా జలమేవ తరంగ బుద్బుదాది - ఏవం సతి కిం కస్య విరోధి - కిం సవికల్పం కిం నామ నిర్వికల్పం - వాచారంభణ మేవ కేవలం - వస్తుతస్తు సవికల్ప నిర్వికల్ప భేదోపి బుద్ధే రస్తంగతః - సర్వం ఆత్మస్వరూపేణైవ ద్రష్టుం శర్యతే యధా తరంగ బుద్బు దాది సర్వం జలరూపేణ యధాచ కటక కుండలాది సర్వం సువర్ణ రూపేణ - ఏషా ప్రక్రియైన ప్రవిలాప న మద్వైతినాం -
కింబహునా - అస్మ ద్బుద్ధేరస్తి కోప్యనిర్వచనీయః ప్రభావః - యదేషా వస్తుతో నిర్వికల్ప మప్యాత్మానం సవికల్ప మివపశ్యతి - సైవ సవికల్ప మిదంజగ న్నిర్వికల్పమేవ భావయతి- ఉదయధాపి అభినేతుం శక్నోతినో బుద్ధిః - తత్ర నిర్వికల్పా వాస్తవీ - సవికల్పా కేవలమాభాస రూపా కుత ఇతిచేత్ నామరూపాది వికల్పే ష్వపి నిర్వికల్పా బుద్ధి రనువర్తత ఏవ నతు నిర్వికల్పాయాం తస్యాం నామరూపాదయః అనువర్తంతే - కింతు వ్యావర్తంత ఏవ - వ్యావర్తమానా అపితే న నిర్వికల్పాయా విలాతీయాః
Page 58
బ్రహ్మశ్రీ యల్లంరాజు శ్రీనివాస రావు