నామరూపాదిషు విద్యమానేషు కథం నామాయంతే సర్వాత్మ భావః సిద్ధ్యేత్ - సర్వామాత్మైవ యదా భవతి తదైవ సర్వాత్మ భావః ప్రతిజ్ఞాతుం శక్యతే నత్వన్యధా - ఏవమాశంక్యతే చేత్ కిమద్వైతినాం సమాధానం
ఉచ్యతే - మైవ మాశంకితవ్యం - యస్మా ద్బుద్ధిర్యదా నిర్వికల్పా - జాయతే తదా తద్బుద్ధే రస్తిత్వ మేవ ఆత్మనః గోచరీ భవతి - నత ద్వ్యతి రేకేణ కించి దన్యత్ - ఏత దుక్తం భవతి - చిన్మాత్ర స్వరూప ఆత్మా తస్య అస్తిత్వం సది త్యభిహిత మస్మాభిః - తత్ర చిత్సదా నిర్వికల్ప ఏవ తస్యేదం సత్ నిర్వికల్పం సవికల్పంచ భవతి - సవికల్పాయా బుద్ధే స్సాసవికల్పా ప్రతీయతే సత్తా - సైవ బుద్ధిర్యదా నిర్వికల్పా భవతి తదా తదానుగుణ్యేన ఇయమపి నిర్వికల్పైన స్యాత్ - బుద్ధి మపేక్ష్య వర్తతే సా వ్యవస్థా - నిర్వికల్పాయా బుద్ధే స్సర్వం నిర్వికల్పమేవ లక్ష్యతే అస్తితా మాత్రం - న అస్తిత్వం తదా వికల్ప్యతే తదా వికల్పా ఏతే నామరూపాదయః కింభవంతీతి ఖలుతే సందేహః - తే ఆత్మనః సత్తాయా స్సామాన్య భూతాయాః కేవలం విశేషా ఏవ -
విశేషా స్సర్వే సామాన్యా న్నాతి రిచ్యంతే- యధా కటక కుండలా * దయ స్సువర్ణాత్ - భవతు నామ కింతే తత్తదాకారేణ దృశ్యంతే ఉత నదృశ్యంతే - దృశ్యంత ఏవ - కింతు నస్వాతంత్రేణ - సామాన్యాకారే ణైవ పరిణతా దృశ్యంతే - అతఏవోక్త మాచార్యేణ - సర్వంనామా రూపాది వికార జాతం సదాత్మనా సత్యం స్వతస్తు అసృత మేవేతి తఏవా ద్వైతిభి రాభాసా వ్యపదిశ్యంతే - అభాసా అపి నాన్యేకేచిత్ - సామాన్యం యదస్తిత్వం త దేవ శరీరాది పృథివ్యాది విశేషరూపేణ భాసతే - ఏషైవ విభూతి రుచ్యతే అద్వైతిభిః - ఆత్మనః సత్తెవ వికల్ప్యమానా శరీరాది వివిధరూపై రవభాసతే ఇతి
Page 57
బ్రహ్మశ్రీ యల్లంరాజు శ్రీనివాస రావు