తతః పూర్వ మాత్మా శరీర మాత్ర పరిచ్ఛిన్నత్వా జ్జీవాత్మా - ఇదానీం శరీర సీమాన మతి క్రమ్య సర్వజగ ద్వ్యాపిత్వాత్ ప్రత్యగాత్మా అధవా పరమాత్మేతి ప్రధాం లభతే - ఏషా ప్రక్రియైవ అద్వైతాచార్యైః ప్రత్యభిజ్ఞేతి నిగద్యతే సర్వత్రాహ మేవాస్మి నశరీరైక దేశే ఇతి విస్మృత మాత్మానం పునరేవ మభి జానాతి అస్మద్బుద్ధిరిత్యతః ప్రత్యభిజ్ఞాన ముచ్యతే
అపిచ జ్ఞాన మితి యదుచ్యతే తస్యైత దేవలక్షణం యదహ మహ మితి సంవేదనా - తచ్చ బుద్ధి ద్వయ స్యాపి అస్త్యేవ - యది సవికల్పా యదివా నిర్వికల్పా - కింతు తయో రయం విశేషః యత్స వికల్పా బుద్ధి రహ మస్మీతి యధా తధా తద్వ్యతిరేకేణ ఇదమస్తీతి స్వస్మాదన్య దపి పశ్యతి తదా ద్వేధా భిద్యతే ఆత్మా అహమితి ఇద మితి తత్ర అహమితి ఏతావానేవ ఆత్మా - తతోన్య దిదమితి అనాత్మా - సైవ బుద్ధిర్యదా నిర్వికల్పా భవతి తదా ఆత్మా అనాత్మేతి విభాగో విగళితో భూత్వా ఉభయత్ర అహమిత్యేవ సంవేదనా జాయతే - తదా ఆత్మేతి కేవల శ్చిద్రూపః అవశిష్యతే తస్యచ యద స్తిత్వం తదేవ సది త్యభి ధీయతే - సచ్చితో రుభయోరపి తదా నిర్మికల్పత్వా త్సర్వత్రాహ మేవాస్మీతి సంవేదనా అవశ్య ముత్పద్యత ఏవ యఏవ సర్వాత్మ భావః
భవత్వేవం - సచ్చి లక్షణ ఆత్మా సర్వత్ర కింతు బుద్ధిర్యదా నిర్వికల్పాత దైవం సంపద్యతాం నామ - బుద్ధి రేషా సదాన నిర్వికల్పైవ సవికల్పాపి భవతీతి వర్ణితం భవద్భిః - యదా సవికల్పాస్యాత్ తదాకాగతిః తదా సర్వత్రాత్మై వాస్తీతి కథం శక్యతే ప్రతిపత్తుం - వికల్పా శ్శరీరా దయః ఆధ్యాత్మికాః పృథివ్యాదయో బాహ్యాః పదార్థా స్సర్వే వికల్పా కిం న భవేయుః అభూత్వా కి మకాండే అస్తం గచ్ఛేయుః - తేషు సర్వేషు వికల్ప జాలేషు
Page 56
బ్రహ్మశ్రీ యల్లంరాజు శ్రీనివాస రావు