మైవం మంతవ్యం - అస్తిత్వం యధా తేపదార్థా అపి ఘట పటాదయో జ్ఞేయా ఏవ స్వయ మచే తనత్వాత్ - చైతన్యస్యైవ తే సర్వేపి గోచరీ భవంతి - అపిచ వికల్పానా మనేకత్వాత్ కస్య వికల్పస్య తదస్తిత్వమిత్యు చ్యేత - తధాసతి అస్తిత్వమపి తఇవ అనేకధా వికల్ప్యేత అనేకత్వా త్తేషాం -తధాచ నిర్వికల్పతా అస్తిత్వప్య విలుప్యేత - తస్మా దస్తిత్వం న పదార్థానాం ద్వయోరపి జడత్వాత్ - నహి కోపి పదార్థః ఇదం మమాస్తిత్వమితి తదాత్మసాత్ కర్తుం శక్నోతి - వయమేవం బ్రూమః తేషా మస్తిత్వమితి నతే పదార్థాః జడత్వాత్ - వయం తున జడాః కింతు చేతనాః - చేతనా బుద్ధి రేవ - సైవ ప్రమాణం సర్వత్రేతి ప్రతిపాదిత మాదా వేవ
అతః అస్తిత్వ మస్మద్బుద్ధే రేవ భవితు మర్హతి నపదార్థానాం బుద్ధిరపి యావ ద్వికల్ప విషయా తావత్ అస్తిత్వ విశేషై రేవ నామరూపాదిభి ర్వ్యాపృతా భవతి - నకేవ లేన అస్తిత్వేన - తాదృశీ బుద్ధి స్తదా సవికల్పైవ న నిర్వికల్పా - సవికల్ప బుద్ధి విషయం విస్తరేణ వర్ణయిత్వైవ వయ మిదానీం ద్వితీయాం నిర్వికల్పాం బుద్ధిం విచారయితుం ప్రవృత్తాః - ఏవం ప్రవర్తమానాః పున స్తామేవ సవికల్పాం యది ప్రస్తావ యామస్తదా చర్విత చర్వణా మేవ కుర్వాణా భవిష్యామః
తస్మాన్నామరూప రహితా యదా నిర్వికల్పా భవతి బుద్ధిః తదా అస్మాక మస్తితాపి తదానుగుణ్యేన నిర్వికల్పైన స్యాత్ - ఏవ ముభయో ర్నిర్వికల్పత్వా దుభావపి ఏకతా మేవ ఉపగచ్ఛతః - సత్తా బుద్ధ్యో రపృథగ్భావా దేకత్వం పరిశిష్యతే అవశ్యం - బుద్ధి రస్మాకం తదా స్వకీ యేన అస్తిత్వేన సహ కృత్స్న మపి విషయ జాత మాశరీరా దా బ్రహ్మాండ మండలా దభివ్యాప్నోతి - ఏవం సర్వవ్యాపినీ అస్మద్బుద్ధి రేవ ఆత్మానామ - నాన్యత్ –
Page 55
బ్రహ్మశ్రీ యల్లంరాజు శ్రీనివాస రావు