కింతు సజాతీయా ఏవేత్యుక్తం - వివిధై రా కారై స్తే భవంతీతి విభూతిరపి తఏవ - అపిచ స్వరూపాత్తే నాతిరిక్తా ఏవేతి స్వరూపేణైవ ఉపలభ్యంతే ఇతి తత్తద్రూపేణతే నోపలభ్యంతే - తత్తద్రూపేణతు తే ప్రవిలీనా ఏవ తదా ఆత్మసత్తాయాం అతఏవ ప్రవిలాపనేతి ప్రఖ్యాయతే ఆద్యా ప్రత్యభిజ్ఞా ద్వితీయేయం ప్రవిలాపనా - అనయో ర్ధ్వయో రేవ అద్వైత సిద్ధాంత స్సర్వోపి పర్య వసితో భవతి -
కింత్వత్ర జాగరూకేణ భవితవ్యం సాధకేన తత్తు ప్రవిలాపన విషయే నామరూపాదయో విశేషా స్సర్వాత్మనా న దృశ్యంతే - తై ర్వ్యవహారోపి న భవత్యేవ - ఏషైవ ప్రవిలాపనా ఇతి న కదాచిదపి భ్రమితవ్యం తదాపి భవంత్యేవ వికల్పాః – పరంతు తదా ఉపలభ్యమానా అపి ఆత్మనో విభూతి రేవ తే ఇతి సంవేద్యంతే- తత్తద్రూపేణ ప్రతీయ మానా అపి నతే వాస్తవా నాపి ఆత్మనో వ్యతిరిక్తాః - యతః ఆత్మ సత్తాయా మేవ దృశ్యంతే సత్తాచ తేషు దృశ్యతే ఇత్యేవ మనుసం ధానే సతి నతే ఆత్మనః కదాపి ప్రతిబంధకా అవగమ్యంతే - అయమేవ ప్రవిలాపనాయా అర్థః న అత్యంత మేవ తేషాం వినాశః - అపిచ వినాశః స్యాదితి కస్మా దపేక్ష్యతే యదా ఆత్మైవ తత్తదాకారేణ భాసతే - అతోన వినాశః కింతు వినోద ఇతి సంభావ్యతాం
సైషా దృష్టిర్యది అనుప్రియతే సత్స్వపి తేషు వికల్పేషు నిర్వికల్పైవ నో దృష్టిః - యదైవ దృష్టి రియం త్రుటితా విచ్ఛేద మాప్నోతి తదా ఆలోకాభావే అంధకార ఇవ వికల్పాస్తే ఆత్మనః ఆభాసతాం విహాయ త ద్వ్యతిరిక్తాః స్వతో వాస్తవాః భవేయుః - తేషాం వాస్తవికత్వే జనన మరణా . దయ స్సర్వే వాస్తవా ఏవ వికల్పాత్మకత్వా తేషామపి యేన సమస్యా పునస్సమస్యా రూపేణైవ సముత్తిష్ఠతే- న కదాపి తస్యాః పరిహారః స్వప్నేపి
Page 59
బ్రహ్మశ్రీ యల్లంరాజు శ్రీనివాస రావు