ఏవం విచార్యమాణే న ఐహికం నాముష్మికం న జన్మాంతర లోకాంతరాణి - నజీవో న జన్మ నమరణం సర్వ మిదం శతస్య శతం అసదేవ - యస్మాత్సర్వ మేత దరజాత మస్మద్బుద్ధ్యా వికల్ప్యతే - అపిచ యావికల్పయతి యత్తయా వికల్ప్యతే ద్వయోరపి ప్రత్యయ విషయయో రన్యోన్య సాపేక్షత్వా న్మిధ్యాత్వ మేవ వ్యవసీయతే బీజవృక్షయోరిన - కిం బీజేతి వృక్షః - వృక్షే సతి బీజం - నకథ మపి తయోః పౌర్వా పర్యం నిర్ణీయతే సాపేక్షత్వాత్ - అతో మిథ్యైవ ఉభావపి - తర్హి కింతత్రసత్యం యా నిరపేక్షా పృథివీసా - తావంతరేణాపి విద్యమానత్వాత్
ఏవ మిహాపి కింబుద్ధి మపేక్ష్య జీవ జగదీశ్వరా జీవ జగదీశ్వరా నపేక్ష్య తద్విషయా బుద్ధి వృత్తిరితి చోదనాయాం ద్వావపి న ప్రతిష్ఠాం లభేతే - పరస్పర సాపేక్షత్వాత్ మిధ్యా భూతావేవ - స్వప్న ప్రపంచవ దుపలభ్యమానా వపీ త్యవ సీయతే - నజాతు జీవో జగదీశ్వరోవా కదాపి తవ సకాశ మాగత్య అహం ఈశ్వరోస్మి ఇదం జగ చ్చరాచరాత్మకం మయైవ సృష్టం - యుష్మానపి జీవానహమేవా కల్పయం మాం యేభజంతి తాననుగృష్ణమి యేమద్వచనం నకుర్వంతి తా నహం శ్వసూకరాది యో నిషు క్షిపామి - సర్వజ్ఞోహం సర్వశక్తి - ర్యూయంతు నతధా - తస్మా జ్జనన మరణానుభవః యుష్మాక మపరిహార్యః ఇత్యేవం స ఈశ్వరః అస్మాన్ నకదాపి సంబోధ్య అబ్రవీన్ - అహ మేవం భూత ఇతి ఆత్మనః స్వరూపం వా కదాపి ప్రదర్శితవాన్ - నైవ
తర్హి కిమేత త్సర్వం - అస్మద్భుద్ధి వికల్పనైవ నాన్యా - సాయద్య దుత్ప్రేక్షతే తత్సర్వం సత్యమేవేతి సంభావయామః - బుద్ధిర్వధా ఉత్ప్రేక్షతే తధా ప్రతీయతే జీవ ఇతి జగదితి ఈశ్వర ఇతి - యధా చైత త్ప్రతీయతే
Page 51
బ్రహ్మశ్రీ యల్లంరాజు శ్రీనివాస రావు