పరమార్థ త్వేన గ్రహీతుం న యుజ్యతే - అయం పరమార్థః అయ మపర మార్థ ఇతి నిర్ణేతుం న ఈశ్వరో నజీవో న అన్యః కోపివా అధికారీ తాదృగధికారః నకస్యాప్యస్తి యతస్తే సర్వేపి అస్మ ద్బుద్ధి కల్పితా ఏవ బుద్ధిం వినా నతే సిద్ధ్యంతి స్వతః కుత ఇతి చేద్బుద్ధి రేవ ప్రమాణం సత్యా సత్య నిర్ధారణాయాం - ప్రమాణేన తేన యన్నిశ్చీయతే అస్తీతి తదేవాస్తి యన్నాస్తితి తేనోచ్యతే త న్నాస్త్యేవ
ప్రమాణా ధీనా ప్రమేయ సిద్ధి ర్నస్వతః తధాహి భాష్యకారై రుక్తం ప్రమాణ ప్రవృత్త్య ప్రవృత్తి పూర్వకౌ సంభవా సంభవా వవధార్యేతే నసంభవా సంభవపూర్వికే ప్రమాణ ప్రవృత్య ప్రవృత్తీ ఇతి - ప్రమాణమంత రేణాపి ప్రమేయ మస్తీతి యద్యుచ్యతే తదా రూపంతు దృశ్యతే నమే చక్షురితి వచన మివ పరిహాసాస్పదం భవతీ త్వపి అపహసిత మాచార్యైః - అతః ప్రమాణ మపరిహార్యం సర్వదా - తచ్చ ప్రమాణం బుద్ధిరేవైషా న ప్రత్యక్షం నానుమానం న ఆగమః న అర్థాపత్తిః - యతస్తేషామ స్తిత్వ మపి బుద్ద్యైవ నిర్ణీయతే - నోచే దిదమేవ మస్తీతి ఇదమేవం నాస్తీతివా కథం నామ శక్యతే ప్రతిపత్తుం - న కథంచన - ఆత్మా నాత్మేత్యపి బుద్ద్యైవ తయో రస్తిత్వం జ్ఞాప్యతే - సతాభ్యామేవ తయోః ప్రమేయా వేవబుద్ధేః - న ప్రమాణ భూతౌ యతస్తా ద్యావపి
ఏవం స్థితే సర్వై రస్మాభి ర్విచార శీలై ర్మానవై ర్బుద్ది రే వాస్మాకం శరణ ముపగంతవ్యా – తామేమైకా మాశ్రిత్య నిర్ణయః కర్తవ్యః - యత్కించి దస్తివా నవేతి న యధాకామం - బుద్ధే రేవ ప్రామాణ్యాత్ - తామప హాయ్ కిమపి భావయితుం వక్తుం ప్రవర్తితుంవా అసంభవాత్ - జీవ జగదీశ్వరా దయ స్సర్వేపి ప్రమేయ భూతా ఏవ బుద్ధేః - ప్రమేయా యదా
Page 49
బ్రహ్మశ్రీ యల్లంరాజు శ్రీనివాస రావు