సవికల్పా నిర్వికల్పేతి - యావత్సా నిర్వికల్పా తావ త్సన్మాత్రా చిన్మాత్రేణ ఏకీభూతా నిరాకారత్వా త్సర్వ వ్యాపినీ భవతి సఏవ పరమార్థతః ఆత్మానామ సచ్చిదాత్మకః - చిదాత్మా అహంతా లక్షణః సదితి తస్యైవ స్థితి స్సార్వత్రికీ - యేన సర్వాత్మ భావః అయత్నత ఏవ సిద్ధో భవతి - కథ మివ - నను చిన్మాత్ర స్వరూపోహమేవ - సత్తాచ మదీయైవ - ద్వయో రావయో ర్నిర్వికల్పత్వా దహం మమ సత్తాం సర్వత్ర సంవేదయితుం శక్తిస్మీతి న తత్ర కోపి ప్రతిబంధః -
పరంతు సదేషాన సర్వదా నిర్వికల్పా- సవికల్పాపి భవతీ త్యభి హితం - తస్యాయే వికల్పా స్తేఏతా వంతః ఏతావ త్సంఖ్యాకా ఇతి నశక్యం గణయితుం – మమ చైతన్యస్య యే యావంతో విషయా భవంతి జ్ఞేయ తయా తే సర్వేపి సద్వికల్పా ఏవ - కింబహునా - మనః ప్రాణేంద్రియాది శరీర సంఘాత మిమ మారభ్య ఆకాశం యావ త్సర్వే పదార్థా జ్ఞాన స్వరూపస్యమమ జ్ఞేయా ఏవ - స ఈశ్వరో భవతు - జీవో భవతు - చరా చర ప్రపంచో భవతు - జీవానా మేవ అస్మాదృశాం జాగ్రత్స్వ స్నాదయ స్తత్త దవస్థా భవంతు తాస్వనుభూయమానా స్సుఖదుఃఖాది నానా విధా అనుభవా భవంతు - కింబహునోక్తేన - పిపీలికాది బ్రహ్మ పర్యంత మేత త్సమస్తం సద్వికల్పా న్నాతిరిచ్యతే
అధ కేనేదం వికల్ప్యతే - న సతా తస్య సంకల్ప రహితత్వాత్ నాపి చితా - కేవలస్య తస్య సంకల్ప వికల్పాది విక్రియా భావాత్ - తర్హి కింత ద్యేనైవం సర్వం వికల్ప్యతే - అనయా బుద్ద్యైవేతి అవగమ్యతాం కేయం బుద్ధిః కుత ఆగతేతి యద్యా కాంక్ష్యతే న తస్య సమాధానం కస్మాత్ - చిత్సతో రన్య ద్వస్వంతరం నకించి దుపపద్యతే - ఉభయోః
Page 46
బ్రహ్మశ్రీ యల్లంరాజు శ్రీనివాస రావు