స్యురితిచే దుచ్యతే - విశేషా స్సర్వే అవాస్తవా మిధ్యా భూతాఏవ - యదితే మానసాః ప్రత్యయా యదివా బాహ్యాః విషయా న కోపి భేదః -
తస్మా న్మానసా భావా ఏవ అవాస్తవా నబాహ్యాః పదార్థా ఇతి న మంతవ్యం - సర్వేతే విశేషా ఏవేతి ద్వయోర వాస్త వికత్వే న తారతమ్యం తధాచ భగవత్పాదై రభిహితం - మానసానాం బాహ్యానాంచ విషయాణాం ఇతరేతర కార్యకారణత్వ మిష్యత ఏవ బీజాం కురవత్ విశేషాకార మాత్రం తు సర్వేషాం మిధ్యా ప్రత్యయ నిమిత్తం - జాగ్రద్బోధా పేక్షం స్వప్నస్యా నృ తత్వం స్యప్న బోధా పేక్షంచ జాగ్రద్భోధా నృతత్వ మితి కిమత్ర తాత్పర్యం - యావ ద్విశేష రూపతాం న జహతి తావత్తే మానసా భవంతు భావా బాహ్యావా భవంతు విషయా స్సర్వే మిధ్యాభూతా ఏవ నకస్యాపి వాస్తవతా గంధః - ద్వయోరపి బీజాంకురయో రివ సాపేక్షత్వాత్ కిం విషయ మపేక్ష్య మనోభావః అధవా మనోభావనా మపేక్ష్య విషయః ప్రతీయతే ఇతి పర్యను యోగేకృతే తయోః ఇదం పూర్వమిద మనంతర మితి నిర్ణేతుం బ్రహ్మణాపి న శక్యతే య దైవం తదా ద్వయోరపి విశేషయో ర్మిధ్యాత్వ మేవ భవితుం యుజ్యతే - న మానసా ఏవ తధా భూతా ఇతి భ్రమితవ్యం అస్మాభిః
ఏవం తర్హి మానసా బాహ్యా స్సర్వే విశేషా ఏవేతి మిధ్యా భూతాః కి మపిన వాస్తవం - తదా సర్వాత్మ భావః కధం సిధ్యతీతి పునరా శంకా మైవం శంకితవ్యం - యద్యపి సర్వే విశేషా ఏవ తైస్సాకం తేషాం సామాన్య మపి వర్తతే య ద్విశేషవన్న మిధ్యా కింతు తద్విపర్యయేణ తధ్యం వాస్తవ మితి అద్వైతినః ప్రతిజానతే - తత్ర విశేషా స్సర్వే తత్త ద్విశేషా కారేణ అవాస్తవా అపి తఏవ పునస్సామాన్యాకారేణ వాస్తవాః - న కేవలం బాహ్యా ఏవ మానసా అపీతి బోద్భవ్యం -
Page 12
బ్రహ్మశ్రీ యల్లంరాజు శ్రీనివాస రావు