అథ కోయం సామాన్య విశేషన్యాయః కథ మవగంతవ్య ఇతి సప్రపంచ మభివర్ణ్యతే సర్వేషాం ప్రతిపత్తి సౌకర్యాయ - సర్వో విశేష స్సామాన్య మంతరేణ స్వతో నసంభవతి - సామాన్యమేవ విశేషాణాం స్వరూపం - యత్ర యత్ర విశేషో దృశ్యతే తత్ర సర్వత్రాపి సామాన్యేన భవితవ్యం - సామాన్యం తేషాం స్వరూప మిత్యుక్తం - స్వరూపత్వా దేవ స్వకీయాన్ విశేషాన్ సర్వా నభివ్యాప్య తిష్ఠతి ఏవం సమానతయా వ్యాపకత్వాదేవ సామాన్య మితి వ్యవప్రియతే- విశేషాస్తు తధా న వ్యాప్తు మవ కల్పంతే - అపితు వ్యాప్యమానా ఏవ తేన భవంతి
దృష్టాంతేన స్పష్ట మవగమ్యతే - పశ్య తావత్ కటక కుండల కేయూరాద్యా బహవ స్పంతి అలంకారాః - సర్వేతే విశేషా ఏవ యతో న కటకం కుండలం భవతి న కుండలం కేయూరం భవితు మర్హతి ఏవం పరస్పరం నవ్యాప్తుం క్షమంతే వ్యావృత్త స్వభావత్వాత్ - తధాపి సర్వేతే సువర్ణ వికారా ఏవ - సువర్ణంతు తేషాం స్వరూపం సామాన్య భూతం సమానతయా సర్వాన్ కటక కుండలా దీన్ ఆభరణ విశేషాన్ వ్యాప్య అవతిష్ఠతే - తేషు అన్యోన్యం వ్యావర్తమానేష్వపి న సువర్ణం తధా వ్యావర్తతే కదాపి - కింతు అనువర్తత ఏవ తేషు నియమేన - యదినామ నామవర్తతే నతేష్వా భరణేషు కిమపి త్వయా ద్రష్టు మపి పార్యతే - సద్యస్తద దృశ్యతా మేవోపయాతి
విశేషాస్తే యద్యపి సామాన్యం సువర్ణ మంతరేణన ప్రతీయంతే సామాన్యంతు తేషాం తత్సు వర్ణం తానాభరణ విశేషాన్ వి నాపి స్వాతంత్రేణ భవితుం శక్నోతి - పరంతు ఆభరణ దృష్ట్యా సామాన్య మపి తత్సు వర్ణం న సర్వాత్మనా సామాన్యం - తత్తల్లోహ దృష్ట్యా పున స్తదపి
Page 13
బ్రహ్మశ్రీ యల్లంరాజు శ్రీనివాస రావు