బహిర్యే శరీరా దుపలభ్యంతే పదార్థా స్తఏవ వాస్తవా ఇతి భవా న్మన్యతే ప్రాయశః - తధా మైవం మంస్థాః - వాస్తవాశ్చే దు భావపి వాస్తవౌ భావ పదార్థా - నచే దుభావపి. అవాస్తవావేవ - తత్కథమితి న విస్మయః కర్తవ్యః
మనసి యే భావా జాయంతే - బాహ్యే జగతి యే యే పదార్థా దృశ్యంతే సర్వేపితే విశేషా ఏవ అన్యోన్య వ్యావృత్తత్వాత్ - మానసా ఏవ ప్రత్యయా గృహ్యంతాం - నైకా ఆలోచనా అన్యా భవితుమర్హతి - పరశ్శతాః' పరస్సహస్రా భవంతు తాః నతాసా మేక రూపతా - న గృహాలోచనా కళత్రాలోచనా - నకళత్రా లోచనా పుత్రా ద్యాలోచనా - న సుఖాకారా వృత్తిర్దుఃఖాకారా నదైన్యాకారా ధైర్యాకారా వృత్తిరితి గ్రహీతుం శక్యతే ఏషైవ పరస్పర వ్యావృత్తిర్నామ - వ్యావృత్తిరియం న మానసానా మేవ భావానాం - బాహ్యానాం విషయాణా మపి నిరపవాద ముపలభ్యతే తధాహి న గృహం కళత్రం న కళత్రం పుత్రాః నపుత్రో ధనం - ధనం వా పశుపక్ష్యాదిః - అసంఖ్యేయా భవంతు తే అపరిమే యాశ్చ - సర్వే పరస్పర వ్యావృత్తా ఏవ యధా మానసాః ప్రత్యయాః "-
నైతావదేవ - నమానసా మనస్యేవ అవసితాః - న బాహ్యా బహిరేవ అంతర్భహి ర్భూతయో రేతయో రపి ప్రత్యయ విషయయోః పునరస్తి వ్యావృత్తి ర్భూయసీ - న సుఖాకారః ప్రత్యయ ఏవ సుఖప్రదో విషయో భవతి - న తృప్తి దాయకః పదార్థ ఏవ తృప్తిరూపః ప్రత్యయః - యతో బాహ్యాభ్యంతరా ద్వయేపి విశేషా ఏవ విశేషత్వా దేవ పరస్పర వ్యతిరిక్తా నైకరూపా భవితు మర్హంతి - తే ప్రత్యయా భవంతు విషయావా - విశేష క్షేత్ర మతి క్రమ్య నకోపి తద్విలక్షణో దృశ్యతే - అధ కిమతో యద్యేవం విశేషాః
Page 11
బ్రహ్మశ్రీ యల్లంరాజు శ్రీనివాస రావు