భిన్న లక్షణ మితి అభిహితం - లక్ష్యమత్ర ఆత్మ స్వరూప మేవ అనాత్మ రూపేణ ఆభాసమాన స్సఏవాత్మా - జీవో జగదేత దుభయ మేవ అనాత్మా నామ - తచ్చ వస్తుతః ఆత్మైవ సత్త దన్యత్వేన ప్రతీయతే - అవభాసతే తస్యచ ఆభాసస్య అధిష్ఠాన మాత్మైవ యస్మిన్న విద్యా వశా దేత దుభయ మధ్యారోపిత మాసీత్
అధైష సహజా రోప ఉచ్యతే - అజ్ఞాన కృతత్వాత్ - ఇచ్ఛా ద్వేష సముర్థే న ద్వంద్వ మోహేన భారత! సర్వ భూతాని సమ్మోహం సర్గేయాంతి - పరంతప" ఇతి భగవతాపి ఉక్తం - జన్మత ఏవ అయం మోహ స్సర్వేషాం నః అనుస్యూతతయా వర్తతే - అవిద్యైవ మోహో నామ - తేనైవాయ మధ్యారోపః జీవజగతో రాత్మని యేన నిత్య మావృతోయ మాత్మా స్వరూపభూతో ప్య స్మాకం ఆత్మానాత్మ రూపేణ ద్విధా విభక్తః దరీదృశ్యతే తాపత్రయ మాపాదయన్ అనుషజ్యతే
తస్మాదేవం లక్షణః అధ్యారోపో యది ఉన్మూలయితవ్య స్తదా కశ్చి దన్య స్తత్ప్రతి పక్ష భూతః అధ్యారోపః కర్తవ్యః శాస్త్రేణ - అస్మాభి ర్యః అబుద్ధి పూర్వం కృతః స శాస్త్రేణ బుద్ధి పూర్వం కృత్వా పరిహర్తవ్యః అబుద్ధి పూర్వం కృత త్వాదేవ తస్య నివారణోపాయం నజానీమో వయం - అత ఏవ సర్వజ్ఞ కృతం శాస్త్రం బుద్ధి పూర్వం తస్య నిర్మూల నం కర్తు మపేక్ష్యతే - ఏష ఏవ అధ్యారోపాపవాద న్యాయ ఇతి ప్రసిద్ధః అద్వైత వేదాంత దర్శనే
అధ కధ మేష న్యాయః ప్రవర్తతే ఇతి ప్రపంచ్యతే - జీవో జగదితి వస్తుతో న భవత్యేవ - వస్తు తస్తు సర్వ మాత్మైవ - యత స్సర్వత్ర సర్వదా
Page 20
బ్రహ్మశ్రీ యల్లంరాజు శ్రీనివాస రావు