కర్మజ్ఞానాధికారః - పురుష ఏవహి శక్తత్వా దర్దిత్వా దపర్యుదస్తత్వాచ్చ కర్మ జ్ఞానయో రధి క్రియతే బుద్ధి బల సంపన్నత్వా తస్య
బుద్ధిమత్వాదేవ యధా సాంసారికం తాపత్రయ మనుభవతి – ఏవం తత్పరిహరణాయ ప్రయత్న మపికర్తుం సమర్ధాయం - తత్ర సర్వమాత్మా సఏవాహ మితి స్వస్య సర్వాత్మ భావ మనాద్యవిద్యయా విస్మృతోసౌ -తద్విపర్యయేణ శరీర మనః ప్రాణాది సంఘాత మేతావ దేవాహ మితి తేనైవ తాదాత్మ్య మాపన్నః తదధిష్ఠాన భూతాన్ముఖ్యా దాత్మనః దూర మపకృష్ణః జీవాత్మా సంవృత్తః - అస్యైవ మిధ్యాత్మేతి నామాంతరం శరీరాచ్చ బహి ర్యత్సర్వ వ్యాపక మివ దృశ్యతే తదాత్మనోన్య జ్జగదితి భావయతి సర్వదా య ఏవ గౌణాత్మేతి నామాంతరేణ వ్యపదిశ్యతే అన్యత్వా దేవ తస్మాన్నానా విధాన్ క్లేశా నను భవన్ జీవ యాత్రాం కరోతి
అత ఏవ అస్య అనర్ధస్య అపనోదనాయ పునః ప్రయత్నః కర్తవ్యః ఆపద్యతే - అవిద్యావశా దాత్మభేద దృష్టి ర్యదా తదా తాం భేద దృష్టి మపనేతుం విద్యైవ శరణ్యా - నాన్య ఉపాయః - యధా అంధకారస్య అపనోదాయ ప్రకాశః - యధా దీప ప్రకాశః తమో దూరీకృత్య తత్రస్థితం వస్తుజాత మావిష్కృత్య దర్శయతి - తధా ఆత్మవిషయా విద్యా అవిద్యాత్మక మంధకారం నిరాకృత్య ఆత్మాన మేవ అనాత్మ ప్రవిలాపనేన అఖండ రూప మపరోక్షతయా ఆవిర్భావ యతి - యేన సాంసారికం తాపత్రయం సమూల మున్మూలితం భవిష్యతి - తస్యాపి స్వరూప భూతత్వాదితి ప్రక్రియా
ఇదానీం సర్వేవయ మవిద్యాయా మంతరే వర్తమానా యత స్తతః క్రమేణ విద్యా అధిగంతవ్యా అస్మాభిః - తదధి గమోపాయ ఏవ తటస్థ
Page 19
బ్రహ్మశ్రీ యల్లంరాజు శ్రీనివాస రావు