భూతమాత్రా సంబంధ జనితః ఆదర్శ ఇవ ప్రవిష్టః పురుష ప్రతిబింబః జలాదిష్వివచ సూర్యాదీనాం - అచింత్యా నంతశక్తి మత్యా ఆత్మదేవతాయా బుద్ధ్యాది సంబంధ శైతన్యాభాసః దేవతాస్వరూప వివేకాగ్రహణ నిమిత్త స్సుఖీదుఃఖీ మూఢ ఇత్యేవం వికల్ప ప్రత్యయ హేతుః
నవ్వేవం ఛాయామాత్రశ్చే జ్జీవః మృషైవ ప్రాప్తః - తధా పరలోకేహ లోకాదిచ తస్య - నైషదోషః - సదాత్మనా సత్యత్వాభ్యుపగమాత్ – సర్వంచ నామరూపాది సదాత్మనైవ సత్యం వికార జాతం – స్వతస్తు అనృతమేవ తధాజీవోపి అత స్సదాత్మనా సర్వ వ్యహారాణాం సర్వవికారాణాంచ సత్యత్వం సతోన్యత్వేచ అనృతత్త్వ మిత్యతః జీవోజగదితి ద్వయమపి ఆత్మ స్వరూపేణ యధార్థమేవ న మిధ్యా - తతోన్యధా భావ్యమానంచే న్మిధ్యైవేతి అద్వైతినాం మతం
యద్యేవం నిరవయవస్య సతః కధమివ సంస్థాన ముపపద్యతే జీవజగద్రూపేణ - నైష దోషః - రజ్జ్వాద్యవనయవేభ్యః సర్పాది సంస్థానవత్ బుద్ధి పరికల్పితేభ్య స్సదవయవేభ్యః వికార సంస్థానోపపత్తేః - తధాచ కల్పితావేవ జగజ్జీవౌ - జీవ జగతో రేవ మాభాసత్వే సతి ఈశ్వరస్యాపి తధా త్వ మేవేతి అవగంతవ్యం - ఈశితవ్య సాపేక్షత్వా దీశ్వర భావస్య
ఏవ మనాత్మని సర్వస్మి న్నసతి కి మవశిష్యతే - ఆత్మానాత్మనో ర్ధ్వయోరపి ఆభాసతాం ప్రాప్తయో ర్వస్తు కేవల మాత్మైవ అవశిష్యతే అయంతు న శారీరః జీవాత్మా - కింతు తద్విలక్షణః ప్రత్యగాత్మా - ఇదం సర్వం యదాత్మేతి శ్రుతి రేవమేవ సంగచ్ఛతే - సర్వస్యాత్మా సర్వమస్యాత్మేతి
Page 16
బ్రహ్మశ్రీ యల్లంరాజు శ్రీనివాస రావు