సర్వాత్మభావః అధవా ఏకాత్మ భావః అవశిష్యతే - అతశ్చ మూలకారణ మేకమేవ ఆ అంత్యాత్కార్యాత్తేన తేన కార్యాకారేణ నట వత్సర్వ వ్యవహారా స్పదత్వం భజతే - చైతన్యస్య ఏకత్వోపపత్తేః
అయ మాభాసోపి జీవ జగదాఖ్యః న నిష్ప్రయోజనః - కాల్పనికో ష్యసా వాత్మ వస్తునః ప్రతిపత్తయే సర్వధా ఉపయుజ్యతే - తటస్థ లక్షణత్వాత్ లక్షయతీతి లక్షణం - కిం త ద్య లక్షయతి - లక్ష్యమాత్మ తత్వం – తచ్చ లక్షణం స్వరూపం తటస్థమితి ద్వేధా - తత్ర స్వరూప లక్షణం స్వరూప మేవ ఆత్మనః సత్యం జ్ఞానమితి - శుద్ధం బుద్ధం ముక్త మిత్యేవం రూపం తేనైవ యద్యాత్మా అవగమ్యతే - స ఉత్తమాధికారీ పురుషః - నచే త్తటస్థ లక్షణేన స బోధయితవ్యః
అధ కోయం పురుషః కుతో బోధయితవ్యః - నను సర్వమాత్మైవ నాన్యదస్తీతి ప్రతిపాదితం - ఆత్మాచ అయం జ్ఞానస్వరూప ఏవ - తస్య జ్ఞానస్య సిద్ధత్వా ద ద్వితీయత్వాచ్చ కుతః ప్రతిబోధన ప్రయాసః - కేనవా ప్రతిబోధః క్రియేత యదా స ఏవ నాన్యో జాగర్తి ఇతిచే దుచ్యతే - బాఢం న ప్రతిబోధ యితవ్యః యద్యేష ఆత్మాఅహ మఖండ జ్ఞానస్వరూపః న మత్తోన్యః విద్యతే ఇత్యేవ మాత్మానం మన్యతే - యదా ఆత్మైవ సః కధ మాత్మానం నమస్యతే ఇత్యాశంకాతవ ఆశంకా న తస్య విషయే కింతు య స్తధా నావ గచ్ఛతి తద్విషయే - కోసౌ - త్వమహంచ - నను చైతన్య ధాతురేక ఏవ సర్వగతః - న తత్ర త్వమహమితి అన్య స్త ద్వ్యతిరిక్తో భవితు మర్హతి - వస్తుతో న భవత్యేవ - కింతు తధా సర్వగత మాత్మానం
Page 17
బ్రహ్మశ్రీ యల్లంరాజు శ్రీనివాస రావు