వాస్తవాఇతి - ప్రాగుత్పత్తేః కార్యస్య అసత్త్వే ఉత్పత్తి రకర్తృకా నిరాత్మికాచ స్యాత్ - ఉత్పత్తిశ్చ నామక్రియా సా స కర్తృకైవ భవితు మర్హతి గత్యాది వత్ - క్రియాచ నామ స్యా దకర్తృకా చేతి విప్రతిషిద్ధ్యేత - ఘటస్యో త్పత్తి రుచ్యమానా న ఘట కర్తృకా - కిం తర్హి - అన్యకర్తృకేతి కల్ప్యాస్యాత్ తధాచ సతి ఘట ఉత్పద్యత ఇత్యుక్తే కులాలాదీని కారణాని ఉత్పద్యంతే ఇతి వక్తవ్యం స్యాత్ - నచ లోకే ఘటోత్పత్తి రిత్యుక్తే కులాలాదీనా మపి ఉత్పద్యమానతా ప్రతీయతే - ఉత్పన్నతా ప్రతీతీశ్చ
అధ స్వకారణ సత్తా సంబంధ ఏవ ఉత్పత్తి రాత్మలాభశ్చ కార్యస్యేతి చేత్ - కధ మలబ్ధాత్మకం సంబధ్యేత ఇతి వక్తవ్యం - సతో ర్హి ద్వయోః సంబంధ స్సంభవతి న సదసతో రసతోర్వా - అభావస్యచ నిరుపాఖ్యత్వాత్ ప్రాగుత్పత్తేరితి మర్యాదా కరణ మనుపపన్నం - తస్మాత్ ఘటాదయః భౌతికాః పదార్థాః నైవ వాస్తవికాః - కింతు ఆభాసా ఏవ మృత్తికాది విశేషా ఏవతే - విశేషాశ్చ స్వ సామాన్యానతిరిక్త సత్తాకా ఇతి మృదాదయ ఏవ తత్తత్కార్యాకారేణ అవభాసంతే - తస్మాత్స త్సంస్థానమాత్ర మే వేదం జగత్సర్వం యద్యపి సద్విశేష వ దుపల్యభతే
ఏవం జీవోపి ఆత్మ చైతన్యాభాస ఏవ న వాస్తవికః - శారీర ఏవ ఖలు జీవో నామ శరీర సంబంధ ఏవ తస్య తావ న్నోపపద్యతే ధర్మాధర్మ నిమిత్తః సంబంధ ఇతిచేత్ న శరీర సంబంధే సతి ధర్మాధర్మయో రనుష్ఠానం - ధర్మాధర్మయో రనుష్ఠానే సతి తత్పలభూతః శరీర సంబంధో జీవస్య - ఏవ మితరేతరాశ్రయత్వా జ్జన్మ కర్మణోః జీవ భావ ఏవ న సంభావ్యతే - తస్మాత్సో పి ఆభాస ఏవ ఆత్మనః - బుద్ధ్యాది
Page 15
బ్రహ్మశ్రీ యల్లంరాజు శ్రీనివాస రావు