Index

శ్రీ విష్ణు సహస్రనామ అంతరార్థము

నామం	అంతరార్థము
జననః జనజన్మాదిః భీమః భీమపరాక్రమః	ప్రాణులను సృష్టించిందీ అదే - సృష్టించి వాటి జన్మను ఆది+ కబళించేదీ అదే, సంసార భయాన్ని నెత్తిన పడవేసేదీ అదే. భయంకరమైన పరాక్రమంతో దాన్ని నిర్మూలించి వీడిని కడతేర్చేదీ అదే.
ఆధారనిలయః ఆధాతా	ఆధారంలో లయింపచేసేదీ అదే ఆధారాని కాధారమై దాన్ని ధరించేదీ అదే.
పుష్పహాసః ప్రజాగరః	అధిష్ఠానంగా ఉంటూ తన మహాశక్తి అనే పుష్పం వికసించి (హాస) అదే ప్రపంచమనే ఫలంగా మారి భాసిస్తున్న వాడా ఈశ్వరుడు. అయినా ఏ భూమికలోనూ విస్మృతి లేని జాగృతి కలవాడు.
ఊర్ధ్వగః సత్పదాచారః	కనుక దీనిలో నిమగ్నుడు కాడు. పైపైన మెలగుతుంటాడు. తన సత్తయే తాను సంచరించే మార్గం.
ప్రాణదః ప్రణవః పణః	అనాహతరూపమైన ప్రాణంగా శరీరంలో ప్రవేశించింది. ఆహత రూపమైన ప్రణవనాదంగా లోపల వినిపిస్తున్నది. తదుపదేశంతో తన్ను తానే కీర్తిస్తున్నది. (పణ)
ప్రమాణమ్ ప్రాణనిలయః ప్రాణభృత్ ప్రాణజీవనః	ఒకటి ఉందని దాని ఉనికిని కొలిచేదీ - కొలిచే క్రియ కాధారమూ దానిని ధరించినదీ - దాని నెడబాయక నిత్యమూ దానితో సహా జీవనం సాగించేదీ - ఈ క్రియా కలాపమంతా ఆ ఈశ్వర చైతన్యమే.
తత్త్వమ్ తత్త్వవిత్ ఏకాత్మా	తత్త్వం పదార్థాలైన జీవేశ్వరులూ అదే - వాటి ఐక్యమూ అదే దాన్ని గ్రహించిన సాధకుడూ అదే. అదీ ఇదీ అనే తేడా లేని ఏకాత్మ స్వరూపమూ అదే.

Page 64

బ్రహ్మశ్రీ యల్లంరాజు శ్రీనివాస రావు