Index

శ్రీ విష్ణు సహస్రనామ అంతరార్థము

నామం	అంతరార్థము
స్థవిష్ఠః స్థవిరః ధ్రువః	జీవులమైన మనకూ ఉంది ఆలోచనా - క్రియా. ఇది స్థవిరమే. దృఢమైనదే ఈ శక్తి. కాని అది స్థవిష్ఠమాయన శక్తి. మనకున్నది అధ్రువమైతే ఆయనది ధ్రువం.
అగ్రాహ్యః	అధ్రువం గనుకనే మన బుద్ధి దాన్ని గ్రహించలేదు. అది అగ్రాహ్యం, మనస్సుకూ వచస్సుకూ కూడా అతీతం.
శాశ్వతః	మనం గ్రహించకపోయినా అది ఎప్పుడూ ఉంది. శాశ్వతమే, అయినా కనపడదు.
కృష్ణః	ఉన్నప్పుడు కనపడటానికేమి ? కృష్ణః ఆకాశంలాగా నల్లనిది. ఆకాశం మన దృష్టి కెలాగో అలాగే మనోదృష్టి కడ్డుతగిలి మనలను ముందుకు సాగనీయదు.
లోహితాక్షః	అయితే మనం చూడకపోయినా మన మనసు మొదలుకొని అన్నింటినీ చూస్తూ ఉన్నదది. రోహితమంటే ఎరుపనీ పెరిగి పోయినదని కూడా అర్థమే. ఎరుపు రజోగుణం. రజస్సు చలనాత్మకం. అంతటా ప్రసరిస్తూ పెద్దదైన దృష్టి అది. అన్నింటినీ కనిపెట్టటంలో ఆశ్చర్యమేముంది.
ప్రతర్దనః ప్రభూతః	తర్దనమంటే నశింపజేయటం. భూతమంటే కల్పించటం, సమస్తాన్నీ నశింపజేస్తున్నదీ-మరలా కల్పిస్తున్నదీ కూడా అదే. రెండు శక్తులూ ఉన్నాయి దానికి. ఘటనా ఘటన సమర్థం.

Page 13

బ్రహ్మశ్రీ యల్లంరాజు శ్రీనివాస రావు