బలేనైవ సిద్ధాంతః క్రియతే సర్వదా సర్వత్ర - దృష్టాంత విరోధేసతి సిద్ధాంతః క్రియమాణోపి నకదాచి త్ప్రతిష్ఠాం లభతే - ఇహతు సిద్ధాంత ఏవ శ్రూయతే సర్వాత్మ భావ ఇతి - న కస్యాపిలోకే స దృష్టాంతో భవ తీతి కథం నామ ప్రత్యేతవ్యోయ మద్వైత సిద్ధాంతః ఇతి సందేహః
ఉచ్యతే - మైవం శంకిష్ఠాః దృష్టాంతో నాస్తీతి - స్ఫురణేయం నశరీర మాత్ర పర్యవసాయినీ యథాత్వం మన్యసే కింతు శరీరేయధా తతో బహిరపి సర్వత్ర వ్యాపిన్యేవ వస్తుతః - కేవలం తద్వ్యాప్తిం విస్మరా మో వయ మనవ ధాన వశాత్ - తధాహి - పశ్యతావత్ గృహ మస్తి ధన మస్తి క్షేత్ర మస్తి పరిసరోస్తీతి బ్రవీషి - కథం బ్రవీషి సర్వమేత దస్తీతి - నను తవ జ్ఞానేనైవ - జ్ఞానం యద్యంత రేవాస్తి తద్భహి స్తవ శరీరా ద్విద్య మానం పదార్థ జాతం కథ మస్తీతి గృష్ణాయాత్ - తధాపి గృష్ణ త్యేవ తవజ్ఞానం ఇదం గృహ మిదం క్షేత్రమితి సర్వం
అత్రేద మవధేయం త్వయా - స్ఫురణా చైతన్యం జ్ఞానమితి పరస్పర పర్యాయాః - జ్ఞాన మేవ సర్వదా ప్రమాణం యేన సర్వం గృహ్యతే ప్రమేయ జాతం - గృహం క్షేత్రం కళత్ర మితి యదవీషి తత్సర్వం ప్రమేయ మేవ కేవలం - ప్రమేయ మన్యత్ప్రమేయం నశక్నోతి గ్రహీతుం - నాప్యాత్మానం -' అచేతనం హి తత్ - అచేత నత్వా త్సర్వమిదం పదార్థ జాతం గ్రహీతుం నక్షమతే - యత్తు జ్ఞానం తదేవ చేతనం - చేతనత్వాదేవ సర్వం ప్రమేయ జాత మలం స్యార్గ్రహీతు మిద మితమితి - అపిచ స్వాత్మాన మపి తదేవ వేదితుం శక్నుయాత్ ఏవ ముభయధాపి గ్రహీతృత్వం జ్ఞానస్యైవ -జ్ఞేయ ప్రపంచస్యతు తేన గ్రాహ్యత్వమేవ సర్వదా - నకథంచిత్ గ్రహీతృత్వ ముపపద్యతే -
Page 8
బ్రహ్మశ్రీ యల్లంరాజు శ్రీనివాస రావు