పూర్వార్ధం
సర్వ మాత్మైవ న తద్వ్యతిరేకేణ అణుమాత్ర మప్యస్తీతి అద్వైత సిద్ధాంతః - ఆత్మా నామ అహ మస్మీతి స్ఫురణైవ కేవలా సాచ శరీరస్యాంత రేవ అస్య ఉపలభ్యతే సర్వేషా మిదానీం - న శరీరా ద్బహిః కుత్రాపి - శరీరా దృహిస్తు ఇది మస్తి తదస్తీతి ఏవ మేవ ప్రతీయతే నత్వహ మస్మీతి - తధాహి - కస్త్వమితి పృష్ట స్సర్వోపి స్వస్య శరీర మేవ నిర్దిశతి - న తద్వ్యతి రేకేణ కిమపి - సర్వం చే దహ మేవ కిమితి సర్వ మపి వస్తుజాత మహ మేవా స్మీతి న వ్య పదిశతి - శరీర మేవ కిమితి వ్యపదిశతి
ఏష ఏవా స్మాకం సర్వేషా మనుభవః - న బహి స్సర్వత్రాహ మస్మీతి ప్రత్యుత సర్వత్ర అస్తీత్యేవా నుభవః న అస్మీతి - ఇదం మే గృహ మిదం మే క్షేత్ర మిదం మే కళత్ర మిదం మే వస్తు జాత మితి ప్రథమ పురుషేణైవ బ్రవీతి - న అస్మీతి ఉత్తమ పురుషేణ కశ్చిదపి లోకే - తథా సతి అహ మేవ క్షేత్ర మహమేవ కళత్ర మహ మేవ గృహారామాది వస్తుజాత మితి ప్రతి పద్యేత - న తధా ప్రతి పద్యమానః కోపి దృశ్యతే -
ఏవం సతి కథ ముచ్యతే సర్వ మాత్మైవేతి - సర్వమాత్మైవ చే దహమేవ సర్వత్రా స్మీతి మమ తవచ ప్రతీతి ర్భవేత్ - తాదృక్రతీతే రభావాత్ అస్మాక మనుభవేన న సంగచ్ఛ త ఇవాయ మద్వైత సిద్ధాంతః - దృష్టాంత
Page 7
బ్రహ్మశ్రీ యల్లంరాజు శ్రీనివాస రావు