కుత ఇతి చేత్ - న శ్రవణ మేవాను భవః - నాపి విచారాత్మకం మననం ద్వయోరపి పూర్వరూపత్వాత్ అనుభవస్య - పరోక్ష మేత దుభయ మపి నా పరోక్షం - పరోక్ష జ్ఞానం యద్యప్యావశ్యకం న తత్పర్యాప్తం యావద పరోక్షతాం నా శ్నుతే - అనుభవాయ న కల్పతే ఇతి అపర్యాప్తం - సచా పరోక్షానుభవః శ్రవణ మననాభ్యా మనంతరం నిదిధ్యాసనయైవ నిష్పద్యతే నాన్యధా తధాహి యాజ్ఞవల్క్యేన ప్రతిపాదితం - '‘ఆత్మావా అరే ద్రష్టవ్యః 'ఆత్మ సాక్షాత్కారః అవశ్యం కర్తవ్యస్త్వయా మైత్రే యీతి
తత్కధం భవతి దర్శన మధవా సాక్షాత్కారః ఇత్యాకాంక్షాయా ముక్తం తేన మహర్షిణా 'శ్రోతవ్యో మంత వ్యో నిది ధ్యాసితవ్య' ఇతి భూమికా త్రయం - నకేవలం శ్రవణం మనన మితి ద్వయమేవ - భాష్యకారై రపి ప్రపంచిత మత్ర ‘యదా శ్రవణ మనన నిదిధ్యా సనాని త్రీ ణ్యపి ఏకతా ముపగతాని తదా ఆత్మా ప్రసీదతి న శ్రవణ మాత్రేణ' ఇతి - కిముక్తం భవతి - యద్యపి శ్రవణ మననే ముఖ్యే తధాపి యావత్తే ద్వే నిదిధ్యాసనాయ తృతీయాయ నోపయుజ్యేతే తస్యాంచ న పరిసమాప్యేతే తావ దపరోక్షతయా ఆత్మా నశక్యతే అనుభవితుం - శ్రవణ మననే నిదిధ్యాసా ద్వారేణైవ ఆత్మ దర్శనాయ స్యాతాం న స్వాతంత్రేణ ఇతి - సేతు రియం నిదిధ్యాసనా శ్రవణ మననయో రాత్మ సాక్షాత్కారస్యచ అంతరాళే వర్తమానా - తదే తన్న విస్మర్తవ్యం సాధకైః - తధాపి విస్మరణ మేవ కుర్వంతి బాహుళ్యేన బహవః స్సాధకాః
భవతు - కిమిదం నిది ధ్యాసనం నామ - నిధ్యాతు మిచ్ఛా నిది ధ్యాసేతి అక్షరార్థః - నిధ్యాన మితి నధ్యాన మాత్రం – నితరాం ధ్యానం నిధ్యానం - యదస్తి పరమార్థతః తత్రైవ దృష్టి రవిచలా క్రియమాణా
Page 66
బ్రహ్మశ్రీ యల్లంరాజు శ్రీనివాస రావు