వ్యతిరేకేణ అపేక్ష్యతే వ్యతిరిక్తస్యై వాభావా దితి ఉపసంహారః కృతః - అధే దానీం యద్ద్వితీయ మన్యత్ కారణం తత్పరీక్ష్యతే ఉపపద్యతే నవేతి తత్కింలక్షణ మితి ప్రస్తూయతే - యద్యపి నిర్వికల్పా సంపద్యతే బుద్ధి రస్మదీయా కింతావతా శరీరా దస్మాదపక్రవ్య సర్వత్ర భవితుం శక్నుయాత్ ఇతి ప్రశ్నః
ఆపాతతః విచార్యమాణే నైవం శక్యత ఇతి ప్రతిభాతి - కుత ఇతిచే దస్మిన్ శరీరే వర్తమానైవ మదీయా బుద్ధి రాత్మానం నిర్వికల్పం సర్వాత్మానం భావయతి - భావయతు నామ- సా భావనా నిర్వికల్పాపి వికల్పాత్మకం శరీర మిద మనపహాయైవ జాయతే నజాతు తదపహాయ - శరీర మిద మధిష్ఠానం బుద్ధేః - స్వస్యాః అధిష్ఠానం యది సర్వాత్మనా జహాతి తదా నిరాశ్రయా సాబుద్ధి రేవ న భవతి - కిం పునర్భావనా ఇత్యాశంకా
అస్యా ఆశంకాయా స్సమాధాన మేవం ప్రయచ్ఛంతి అద్వైతినః అలమేవం విధేన సందేహేన - సవికల్పస్య మనసశ్చేత్ శరీర మధిష్ఠానం భవతునామ - ఇయంతు నిర్వికల్పాబుద్ధిః నసవికల్పా నిర్వికల్పాయాః నిర్వికల్ప ఏవ ఆశ్రయః - న సవికల్ప మిదం శరీరం - సచ ఆశ్రయో నిర్వికల్పా తస్యా స్పత్రైవ - సన్మాత్ర మేవ శరీరం చిన్మాత్రాయా బుద్ధేరితి ప్రతిపద్యతాం ఏవం ప్రతి పద్యమానస్య సాధకస్య చిద్రూపా బుద్ధి ర్నిరాకారత్వా త్సాకారా దస్మా త్సంఘాతా దపక్రమితుం శక్నోత్యేవ - తధా శరీరా దపసృత్య స్వస్య సత్తయా నిరాకారయా సర్వత్ర వ్యాప్తుమపి తస్యా నకోపి ప్రతిబంధ ఇతి యుజ్యత ఏవ - తస్మా న్నకాచిదాశంకా కర్తవ్యా - అస్మిన్ అర్థే ఇతి వదంతి వేదాంతినః
అపిచ సందేహ స్యాస్య సమ్యక్పరిష్కారః న సిద్ధాంత శ్రవణ మాత్రేణ నచ తదర్థమనన మాత్రేణవా శతకృత్వోపి క్రియమాణేన కస్యచి త్ప్రతిభాతి
Page 65
బ్రహ్మశ్రీ యల్లంరాజు శ్రీనివాస రావు