వికల్ప విషయత్వాత్ – తద్వి పర్యయేణ నామరూపాది వికల్ప ప్రపంచ గ్రహణాయైవ క్షమతే - అధ యత్సర్వాత్మ భావ ప్రతిపత్తయే ‘ఉపయుజ్యతే తన్న సవికల్ప రూపం మనః - అపితు నిర్వికల్ప రూప మన్య దేవ
తస్య మనసః నకించి దన్యత్ప్రతిభాతి శరీరం వా శరీరా ద్బహిః పదార్థ జాతం వా వికల్ప జాతం కిమపి - కేవలం తేషు సర్వేషు య దనుస్యూతతయా వర్తతే త దస్తిత్వ మేవ కేవలం దరీదృశ్యతే - తేతు అస్తిత్వ విశేషాః ప్రాగుదాహృతాః - అస్యాం భూమి కాయాం తేన ప్రతీయంతే -వికల్పాత్మ కత్వాత్ - నిర్వికల్పం యదస్తిత్వం తద్వస్తుతంత్రం బుద్ధి మపేక్ష్యతన్న పరిణమతే - యవన్న పరిణమతే తావన్న వికల్ప గంధః వస్తు అనాదృత్య యదా బుద్ధి స్తత్త దుత్ప్రేక్షతే యధాకామం తదైవ తదస్తిత్వం తదాను గుణ్యేన అనేకధా ప్రతీయతే - తదేవ బుద్ధితంత్ర మితి వదంతి వేదాంతినః
తస్మా న్మనోయదా సత్తమాత్ర భావ నయా నిర్వికల్పం భవతి తదా సవికల్పా శ్శరీరాదయ బాహ్యాః గృహారామాది పరికరా ఏవ నోపలభ్యంత ఇతి తాదృఙ్మనః స్థితే రన్యత్ర కిమస్తి సాధనాంత రం – మన ఏవాస్తి తదా నిర్వికల్ప మేకమేవ నాన్యత్తతః ఉపపద్యతే నాప్యుపలభ్యతే అతః తదీయం జ్ఞానమేకం ముక్త్వా న కర్మ నయోగః నమంత్ర స్తంత్రంవా నచ ఉపాసనాదికం వా సాధనం ఆవశ్యక మితి సర్వ మన్యత్సాధనం నిరాక్రియతే నిర్ధాక్షిణ్య మద్వైతిభిః - తధాపి తత్తన్మార్గా నుధావనం యది క్రియతే. సాధకైః త తేవల మేత త్సూక్ష్మస్య అనభిజ్ఞానవశా దేవ - అనభిజ్ఞాత మపితే నానుమన్యంతే బహవః ఆత్మనో న్యూనతా మివ మన్యమానాః అపిచైవం హేతు వాదమపి కుర్వంతి స్వకీయాం చర్యాం సమర్థయంతః
Page 63
బ్రహ్మశ్రీ యల్లంరాజు శ్రీనివాస రావు