ప్రశ్నోయ మర్ధరహితః - యద్యపి సహేతుక ఇవ ప్రత్యవభాసతే కుత ఇతిచేత్ సుఖదుఃఖ లాభా లాభాది ద్వంద్వేషు కశ్చిదనుకూలః కశ్చి దన్యః ప్రతికూలః ప్రాణభృతాం - న ద్వావ ప్యనుకూలౌ - సుఖమేవాను కూలం - న దుఃఖం - లాభ ఏవానుకూలః న నష్టం - తధా స్వాస్థ్యమేవ అనుకూలం న వ్యాధిః - తధాపి చిత్రమేత ద్యత్ప్రతికూల మేవ బాహుళ్యేన ప్రాప్నోతిన అనుకూలోర్థః - అత ఏవ దుఃఖ మనుభవన్ మనుష్యః సుఖ మవాప్తుం ప్రయతతే - నష్ట మనుభవన్ లాభాయ - వ్యాధి మనుభవంశ్చ స్వస్థతాయై - ఏష న్యాయః సర్వత్ర ద్రష్టుం శక్యతే
ఇహాపి మరణ మితి సర్వేషాం ప్రాణినాం ప్రతికూలోర్థః న అపజయవ ద్దుఃఖవ ద్వ్యాధి వచ్చ ప్రాతిస్వికోపి - అపితు సర్వత్ర సర్వేషాం సాధారణోయం వ్యాధిః - వ్యాధిర్యధా లోకే అయత్నేనైవ ఆపద్యతే - తధా తస్యచికిత్సా న ప్రయత్న మంతరేణ సిధ్యతి నాపి యస్యకస్యచి త్త త్సూక్ష్మం ప్రస్ఫురతి - తదభిజ్ఞః యఃకోపి భవతి చికిత్సకః - న బాహుళ్యేన కింతు వైరళ్యేనైవ - నచ నభవ త్యేవ సుతరాం
ఏవ మత్రాపి అస్య సర్వప్రాణి సాధారణస్య భవరోగస్యాపి చికిత్సాం కర్తు మగదం కారా న బాహుళ్యేన యత్ర కుత్రాపి ఉపలభ్యంతే - నాపి సర్వాత్మ నా నైవోపలభ్యంతే - తే కీదృశాః క్వోపలభ్యంతే కథ మస్మాక ముపకరిష్యం తీతి తదర్ధ మ న్వేషణా అతీవ శ్రద్ధయా కర్తవ్యా - శ్రద్ధాయాం సత్యాం తేప్య వశ్యం గోచరీ భవంత్యేవ నః - తఏవ ఉపనిష న్మహర్షయ స్తఏవ గౌడపాదాచార్యా స్తఏవ తన్మార్మానుగామినః భగవత్పాద సదృశాః మహానుభావా భవరోగ విశారదా ఇతి భావ్యతాం
Page 38
బ్రహ్మశ్రీ యల్లంరాజు శ్రీనివాస రావు