సత్యమేవం శాస్త్ర మేవ తన్న భవతి యత్స మస్యా పరిహారాయ నావకల్పతే - ఏత తేనాపి ప్రత్యాఖ్యాతుం నశక్యతే - వయ మష్యను మన్యా మహే నిరాశంకం - కింతు అస్త్యేవ అన్యః కోపి పరిష్కార మార్గః అస్యా స్సమస్యాయాః - న సర్వధా నాస్తీతి నిగమనం కర్తవ్యం - సచమార్గః కింలక్షణ ఇత్యపేక్షాయాం ఉచ్యతే - వస్తుతోసౌ భగవత్పాదై రేవ గీతా భాష్యే ఉదాహృతః - సోప్యోచార్యః సమస్యామేతాం బహుధా విచింత్య కుత్రాపి సంతృప్తి కరం సమాధాన మపశ్య న్నంతే పరిష్కార మార్గమేతం పరిశోధ్య ప్రకటీకృత వానితి మే ప్రతిభాతి
ఆచార్యేణ సంక్షేపతో వర్ణిత మేతం జిజ్ఞాసూనాం ప్రతిపత్తి సౌకర్యాయ మయా విస్తరేణ ప్రకాశయితు మిష్యతే తతః పూర్వమేతౌ ద్వావతి ముఖ్యావంశౌ అస్మాభి స్సర్వై రవధారయితవ్యౌ - ప్రధమస్తావత్ యదా సమస్యా కాచి దస్తి తదా తస్యాః పరిహారేణాపి భవితవ్యమేవ - పరిహారేణ వినా నకాపి సమస్యా భవితు మర్హతి నా ప్యులభ్యతే కదాపి - యస్మా త్సప్రతిపక్షా ద్వావపి సమస్యా పరిహారౌ యధా సుఖదుఃఖే యధాచ జయాజయౌ - సుఖమస్తిచే ద్దుఃఖ మష్యస్తి తేన సహ - జయోస్తిచే దపజయో ప్యస్త్యేవ - ద్వంద్వాన్యేతాని సుఖ దుఃఖాదీని - ద్వంద్వేషు అన్యతరద్వినా అన్యతర న్న సంభవతి - సర్వ సాధారణోయం న్యాయః సర్వైరంగీ కర్తవ్య ఏవ
ఏవం స్థితే సంప్రతి జీవిత సమస్యా మమ తవచ అస్తి అనుభూయతే అస్మాభిరితి బ్రవీషి - యదా సమస్యైషా తదా తస్యాః పరిహారోపి స్యాదేవ యతః ఏతా వపి ద్వంద్వాత్మకౌ - యథా సుఖదుఃఖే- సమస్యైవాస్తి మమ పరిహారస్తు తస్యా నాస్త్యేవేతి న వక్తవ్యం నచ నిగమనం కర్తవ్యం సుఖమేవాస్తి సర్వదా న కదాపిమే దుఃఖ మస్తీతి కిం వక్తుం శక్నోషి
Page 36
బ్రహ్మశ్రీ యల్లంరాజు శ్రీనివాస రావు