ప్రాప్తోపి సాది రేవాసౌ భవతి - సాదిర్యదా తస్యాం తేన భవితవ్య మవశ్యం సత్యేవం న జీవస్య అజ్ఞానం నాపిజ్ఞానం ద్వయ మప్యుప పద్యతే
అధ కిమిదం సర్వ మనుప పన్న మపహా సాస్పదంచ న ప్రతీయతే తవ మమచ - అను పపన్న మపి కథ మేత దితి పృచ్ఛ త స్తవానురోధేన ఏవం వర్ణయితవ్య మాసీదితి వచనమ ప్యద్వైతినా మపహాసాయైవ - కిం తవమమచ అనురోధేన సత్యమ సత్యం భవతి - అసత్యం వా సత్యం యద్యధా భవతి తత్త ధైవ భవితు మర్హతి తధాహి - సూర్యః సర్వదా పూర్వస్యామేవ దిశాయా ము దేతి పశ్చిమాయా మస్తం గచ్ఛతి - నకదాపి పశ్చిమాయా ముదేత్య పూర్వస్యా మస్తమేతి - వస్తుతంత్ర మస్తిత్వం పదార్థానాం న అస్మ ద్బుద్ధి తంత్రం కదాపి - తస్మాత్ ధర్మ పురుషార్థ ఇతి వా అవిద్యేతి వా అన్యద్వా యద్వా తద్వా ఉత్ప్రేక్షతా మద్వైతీ న తత్సమాధానం భవితు మర్హతి అస్మ దనుయోగస్య - న హరిహర బ్రహ్మ దిభిరపి సమ్యక్స మాధాతుం శక్యతే అతఏవ అనిర్వచనీయో యం వ్యవహార ఇతి అద్వైత వేదాంత నిష్ణాతోపి అనన్య శరణతయా అంగీకుర్యా దేవ
ఏవం తర్హికా గతిః - కథం నామేయం సమస్యా పరిహర్తవ్యా యద్య త్సమాధాన ముపపత్తి మత్త్వాయ పరీక్ష్యతే తత్సర్వం సికతా కూపవ ద్విశీర్యతే ఏవం సతి కథం. నామ బుద్ధి జీవినః పురుషస్య కస్యాపి సమాశ్వాసో భవితుం యుజ్యతే - యది న యుజ్యతే సర్వాత్మ భావః ఇతి మహతా కంఠరవేణ ఉదోషితోయ మద్వైత సిద్ధాంతః కథం విస్రంభణీయః కిం ప్రయోజనం సాధయ తీతి వా ఆశ్రయణీయః - ప్రయోజనా భావే కథం సిద్ధాంత ఇతి శాస్త్ర మితివా పరిగణ్యేత - ఇతి మహతీయ మాశంకా సర్వేషాం
Page 35
బ్రహ్మశ్రీ యల్లంరాజు శ్రీనివాస రావు