న్నిర్వికల్పా శక్తిరూపిణీ భవతి సమస్యా తావ న్నోపతిష్ఠతే - యదైవ సా సవికల్పా సతీ చరాచర జగద్రూపేణ పరిణమతే తేషాం శరీర గృహారామాది వికల్పానాం నామరూప క్రియా భేదభిన్నానా మనివార్యైషా సమస్యా భవేత్ -
అధ సమస్యైషా యది పరిహర్త వ్యా ప్రకృతి ర్నామరూపాది భేదేన న ద్రష్టవ్యా - ప్రత్యుత శరీరాది వికల్పా స్సర్వే నిర్వికల్పాయా ప్రకృతిః తదాత్మనా ద్రష్టవ్యాః సాధకేన- సాపి ప్రకృతి రాత్మనః చిద్రూపస్య శక్తిరేవేతి ఆత్మ చైతన్య రూపేణైవ విభావ్యేత - యేన సర్వమాత్మైవేతి అద్వైతినాం సర్వాత్మ భావః సాక్షా దనుభవితుం శక్యేత - ఏత దపి వర్ణిత మేవ భగవద్గీతాసు - అహ మాత్మా గుడాకేశ సర్వ భూతాశయ స్థితః అహమాదిశ్చ మధ్యంచ భూతానా మంత ఏవచ' అస్య శ్లోకస్య తాత్పర్యం కిమితి సంగ్రహేణ ఆవిష్క్రియతే మయా
అహమితి శరీరమాత్ర పరిచ్ఛిన్నత్వేన న కోపి భావయేత్ - తర్హి కథం భావయేత్ - ఆత్మేతి భావయేత్ - ఆత్మా కీదృశ ఇతి - సర్వభూతా నామాశయేషు అహమేవ స్థితః నశరీరమాత్రే ఇతి నైతావ దేవ అహమాదిశ్చ మధ్యంచ భూతానామంత ఏవ చ ఇత్యపి సంభావయే దాత్మానం - భూతానా మితి న కేవలం ప్రాణినా మస్మాదృశానాం తత్పూర్వార్థ ఏవ ఉదాహృతం సర్వభూతాశయ స్థితమితి - అత్రతు భూతానామితి న ప్రాణినాం - కింతు అప్రాణినాం జడ పదార్థానా మపీత్యర్థః తేషాం ఆది మధ్యాంతా స్త్రయోప్యంశా ఆత్మైవ - అత్ర పూర్వార్థం శ్లోకస్య . ఆత్మనః నిమిత్త కారణం సూచయతి - ఉత్తరార్థంతు ఉపాదానం - ఏవంచ ద్వయ మప్యహ మేవాత్మా ఇతి సర్వాత్మ భావః ఆపాతతః ధ్వన్యత ఏవ న కేవలం సర్వత్రేతి సర్వమస్యహ మేవేతి సర్వాత్మ భావః - ఆదిమధ్యాంతా
Page 23
బ్రహ్మశ్రీ యల్లంరాజు శ్రీనివాస రావు