భజతే యత ఏవం తతో నకించిత్ ప్రసూయతే ఆత్మా - తర్హి కా ప్రసూయతే - మమ మాయా త్రిగుణాత్మికా అవిద్యా లక్షణేతి గురో ర్వర్ణనం మాయా తస్యైవాత్మనః శక్తి స్సదాఖ్యా - మమేతి తతో నపృధ గ్భూతా అవిద్యాలక్షణా సా - నవిద్యతే ఇత్యవిద్యా - స్వయ మవిద్యమానా జడత్వాత్ -త్రిగుణాత్మికా - గుణాత్మక త్వా త్స వికల్పాపి భవితుం సమర్థా - సవికల్పా న భవతి చేత్ చరా చర సృష్టి రేవ నస్యాత్ వికల్పాత్మకత్వాత్ నామరూప ప్రపంచస్య
అధ జదాయా స్తస్యాః కధం చరాచరోత్పాదన సామర్థ్యం తస్యోత్తరం దీయతే ఆచార్యేణ - హేతునా నిమిత్తేన అనేన అధ్యక్షత్వేన జగ త్సచరా చరం వ్యక్తావ్యక్తాత్మకం విపరివర్తతే సర్వా స్వవస్థాసు ఇతి అర్థాన్న ప్రకృతే రచేతనాయాః కేవలాయాః సృష్టి రియం - తత్ర నిమిత్త మాత్మనః అధ్యక్షత్వమేవ – కథం నిమిత్త మితి ప్రపంచ్యతే - దృశి కర్మత్వాపత్తి నిమిత్తా హి జగత స్సర్వా ప్రవృత్తిః అహమిదం భోక్ష్యే పశ్యామీదం శృణో మీదం సుఖమను భవామి దుఃఖమనుభవామి కరిష్యామి ఇదం జ్ఞాస్యామి ఇత్యాద్యా అవగతి నిష్ఠా అవగత్యవసా నైవ -కిమస్య తాత్పర్యం - యద్య త్కరోమి యద్యత్ జానామి యద్య దను భవామి తత్సర్వం ఆమూలాగ్రం ఆత్మ చైతన్యేనైవ సాక్షిభూతేన వ్యాఖ్య మానమేవ సర్వాస్వవస్థాసు న అణుమాత్ర మపి అస్మత్కర్మవా జ్ఞానం వా ఆత్మ చైతన్య ప్రకాశే నా పరామృష్టం సంభవతి
అత్ర సందేహః - కి మస్యా భూత భౌతిక సృష్టేః ప్రకృతి రేవహేతుః కింవా చిద్రూప ఆత్మాహేతుః - కుతః సంశయః - ప్రకృతి స్తావ ద చేతనా
Page 20
బ్రహ్మశ్రీ యల్లంరాజు శ్రీనివాస రావు