తయోరేతయో స్సచ్చితో రుభయోరపి యః చిదంశ స్స ఏవ ఆత్మా ఇతి గీయతే యః పున స్స దంశ స్తస్యైవ ఆత్మనః అస్తిత్వమితి అవధార్యతాం – ఏతావతా కిముక్తం భవతి - అహ మస్మీతి యో భావస్స ఏవాత్మా నామ ద్వయో రవినా భావాత్ అస్తితా చైతన్యయోః - తర్హి కోసా వనా త్మ ప్రపంచః యోయో విశేషరూపః అస్తితాయాః ససర్వోప్యనాత్మైన స ఆధ్యాత్మికః మనః ప్రాణేంద్రియాది సంఘాతో వాభ వతు – ఆధిభౌతికో గృహారామక్షేత్ర కళత్రాదిర్వా భ వతు - కింబహునా మనః ప్రభృతి ఆకాశ పర్యంతం సమస్త మిదం జగ దనాత్మైవ - అస్తిత్వస్య యద్వా సత ఏవ సామాన్యస్య విశేషభూతోయం ప్రపంచః - సామాన్య మస్తిత్వం విశేషః ప్రపంచః - యథా కటక కుండలాదయః సువర్ణస్య యధా తే కుండలాదయో విశేషాః స్వసామాన్య భూతా త్సువర్ణా న్నాతిరిచ్యంతే ప్రత్యుత తస్యైవ విభూతిః ఏవం శరీరాదయ స్సర్వేపి జాగతికాః పదార్థాః సత ఏవ విశేషా ఇతి తతో నవ్యతిరిచ్యంతే - ప్రత్యుత కటక కుండలా దయ స్సువర్ణస్యేవ తస్యైవ సతో విభూతిః - అర్థాత్ స దేవ శరీరాది పిండరూపేణ పృధివ్యాది బ్రహ్మాండ రూపేణాపి అవభాసతే - వివిధ రూపై రవభాసన మేవ విభూతిర్నామ
ఆభాస స్సర్వోపి స్వతో అవాస్తవః సామాన్య రూపేణైవ వాస్తవః యధా తరంగ బుద్బుదాదయో విశేషా జలరూపేణైవ వాస్తవాః స్వరూపేణ తు అవాస్తవా ఏవ - సామాన్యేన వినా తే న భవం తీతి - సామాన్యంతు తేషాం జలం ఏవం అండపిండా దయ స్సర్వే చరాచర పదార్థా విశేషా ఏవ పరిగణితాః సత్సామాన్యస్య - అతః స్వస్వరూపేణ తేన భవంతి సద్రూపేణైవ తేషాం భావ ఇతి అవసీయతే - యదైవం సదాత్మ నైవ
Page 17
బ్రహ్మశ్రీ యల్లంరాజు శ్రీనివాస రావు