న్న ప్రతీయతేచ - జ్ఞాన స్పర్శ మంతరేణ జ్ఞేయ మిదం సర్వం న స్వస్యన జ్ఞేయాంతరస్యవా అస్తిత్వం అవబోద్ధుమల మచేతనత్వాత్ - జ్ఞానంతు చేతనత్వా దాత్మనః తథా అనాత్మ నశ్చ ద్వయో రపి అస్తిత్వం ప్రమాతుం శక్నుయాత్ - తస్మా దంతతో గత్వా అస్తిత్వమపి న మహాసామాన్యం మహా సామాన్యంతు తస్యాపి ప్రమాణ భూతమిదం జ్ఞాన మేవ నాన్యత్
తర్హి జ్ఞానస్యా స్తిత్వే కిం ప్రమాణ మితి పున శ్చోదనా - జ్ఞానస్య నా పేక్ష్యతే ప్రమాణ మన్యత్ - కధం - ప్రమాణ స్వరూపమేవ జ్ఞానం నామ-న ప్రమాణ స్యైవ సతో జ్ఞానస్య పునః ప్రమాణాంత రాపేక్షా - స్వయ మేవ జ్ఞాన మహ మస్మీతి జానీయా దాత్మానం - యధా అహ మస్మీతి ఆత్మనః అస్తిత్వం తధా ఇద మస్తీతి అనాత్మ ప్రపంచ మపి జ్ఞాతు మలం - ఉభయధా తస్యైవ స్వాతంత్ర్య శక్తి సంభవాత్- తధాపి తస్య జ్ఞానస్య పున రస్తిత్వేన భవితవ్య మేవ - అస్తిత్వేన చే ద్వర్జితం త న్నాస్తిత్వ మేవ ఆపద్యతే - అతో జ్ఞానస్యాపి అస్తిత్వం ప్రతి ఆవశ్యకతా - యధా జ్ఞానస్య ఏవ మస్తిత్వ స్యాపి జ్ఞానం ప్రత్యేవ శ్యకతా విద్యతే - అన్యధా ప్రమాణా భావా త్తదపి నాస్తిత్వ మాపద్యేత
ఏవం ద్వయోరపి అస్తిత్వ చైతన్యయో రథవా సచ్చితోః పరస్పరాపేక్షా అపరి హార్యా - అపరిహార్యత్వాదేవ సదితి చిదితి ద్విధా గణ్య మానమపి తదేక మేవ తత్త్వం - ద్వయోరపి నిరాకారత్వా న్నిర్వికల్పత్వాచ్ఛ ఏకత్వం నాంతరీయకం ఇతి వేదితవ్యం - ఇదం తున విశేష ప్రపంచే సంభవతి తేషాం సర్వేషాం సాకారత్వా త్సవికల్పత్వాచ్చ నతన్మనసాపి ఊహితుం శక్యతే - అత ఏవ మానసా బాహ్యాశ్చ ద్వావపి అవాస్తవా వితి అభిహితం అత్రతు మహాసామాన్యే సర్వేషాం ప్రత్యయానాం విషయాణాంచ అంతర్లీన త్వా త్తదపేక్షయా ద్వావ పి తౌ పునః వాస్తవా వేతి సూచిత మస్మాభిః
Page 16
బ్రహ్మశ్రీ యల్లంరాజు శ్రీనివాస రావు