చైతన్యం చిదనుగమా త్సర్వత్ర చిత్స్వరూపతైన - యద్య్వతిరేకేణ యన్నగృహ్యతే తస్య తదాత్మకత్వమేవ లోకే దృష్టం - యధా మృదో వ్యతిరేకేణ ఘట శరావాది కార్యం- ఏవం సచ్చిద్రూపం సామాన్య భూత మాత్మాన మంతరేణ నామరూపాదయో విశేషా నైవ సత్తాం లభంతే - ఇతి తదాత్మకా ఏవతే సర్వే -
తత్కధ మితిచే దుచ్యతే – ఆత్మచైతన్యా వ్యతిరేకేణైవ కలా జాయమనా స్తిష్ఠంత్యః ప్రలీయమానాశ్చ సర్వదా లక్ష్యంతే - అత ఏవ భ్రాంతాః కేచిత్ అగ్ని సంయోగాత్ ఘృతమివ ఘటాద్యాకారేణ చైతన్యమేవ ప్రతి క్షణం జాయతే నశ్యతీతి - తన్నిరోధే శూన్యమివ సర్వ మిత్యపరే - ఘటాది విషయం చైతన్యం చేతయితుః నిత్యస్య ఆత్మనః అనిత్యం జాయతే వినశ్యతీ త్యపరే - చైతన్యం భూతధర్మ ఇతిలోకాయతికాః
అనపాయోపజన ధర్మకం చైతన్య మాత్మైవ నామరూపా ద్యుపాధి ధర్మైః ప్రత్యవభాసతే - స్వరూప వ్యభిచారిషు పదార్థేషు చైతన్యస్య అవ్యభిచారాత్ - యధా యధా యో యః పదార్థో విజ్ఞాయతే తధా తధా జ్ఞాయమానత్వా దేవ తస్య తస్య చైతన్యస్య అవ్యభిచారిత్వం - వస్తుతత్త్వం భవతి కించిత్ న జ్ఞాయతే ఇతి చ అనుపపన్నం - రూపంచ దృశ్యతే న చాస్తి చక్షురితి యధా - వ్యభిచరతి తు జ్ఞేయం - న జ్ఞానం వ్యభిచరతి కదాచిదపి జ్ఞేయం – జ్ఞేయాభావేపి జ్యేయాంతరే భావాత్ జ్ఞానస్య - నహి జ్ఞానే అసతి జ్ఞేయం నామ భవతి కస్యచిత్ - సుషుప్తే అదర్శనాత్
జ్ఞాన స్యాపి సుషుప్తే అభావాత్ జ్ఞేయవత్ జ్ఞాన స్వరూపస్య వ్యభిచార ఇతిచేత్ - న - జ్ఞేయావభాసకస్య జ్ఞానస్య ఆలోకవత్ జ్ఞేయాభివ్యంజకత్వాత్
Page 9
బ్రహ్మశ్రీ యల్లంరాజు శ్రీనివాస రావు