వ్యావృత్తి రస్తి - యతః చైతన్యేన వినాసత్తా ప్రమాణాభావా న్న సంభవతి సత్తయాచ వినా చైతన్యం నాస్తిత్వ మాపద్యతే - సచ్చిల్లక్షణ ఏవ ఆత్మా * ఆత్మాహి నామ స్వరూపం - స్వరూపత్వా దాత్మనో నిరాకరణ శంకానుపపత్తిః
నహి ఆత్మా ఆగంతుకః కస్యచిత్ - స్వయం సిద్ధత్వాత్ - సిద్ధే హ్యాత్మని ప్రమాతరి ప్రమిత్సోః ప్రమాణాన్వేషణా భవతి నహి పూర్వ మిత్థ మహమితి ఆత్మాన మప్రమాయ పశ్చాత్కోపి ప్రమేయ పరిచ్ఛేదాయ ప్రవర్తతే - నహ్యాత్మా ఆత్మనః ప్రమాణ మపేక్ష్య సిద్ధ్యతి - తస్యహి ప్రత్యక్షా దీని ప్రమాణాని అప్రసిద్ధ ప్రమేయ సిద్ధయే ఉపాదీయంతే - నహ్యాకాశా దయః పదార్థాః ప్రమాణ నిరపేక్షాః స్వయం సిద్ధాః కేనచి దభ్యుప గమ్యంతే ఆత్మాతు ప్రమాణాది వ్యవహారా శ్రయత్వా త్రాగేవ ప్రమాణాది వ్యవహారా త్సిద్ధ్యతి - ఆత్మాహి నామ స్వరూప మిత్యుక్తం అణు మహద్వా యదస్తి లోకే వస్తు తత్తే నైవ ఆత్మనా నిత్యేన ఆత్మ వ త్సంభవతి - తదాత్మనా వినిర్ముక్త మసదేవ సంపద్యతే - అప్నోతే రత్తే రతతేర్వా ఆత్మా ఇతి ఆత్మ శబ్దస్య నిర్వచనం – “యదాప్నోతి యదాదత్తే యచ్చాత్తి విషయానిహ * యచ్చాస్య సంతతో భావః తదాత్మేతి ప్రకీర్త్యతే" ఇతి స్మృతేః నహి ఆత్మనః అన్య దనాత్మ భూతం తత్ప్రవిభక్త దేశ కాలం సూక్ష్మం వ్యవహితం విప్రకృష్టం భూతం భవ ధ్భవిష్యద్వా వస్తు విద్యతే - అతో నామరూపే సర్వావస్థే తేనైవ ఆత్మవతీ యతః సర్వస్య స్వరూప మాత్మా - స్వరూపస్య ప్రత్యాఖ్యానే న కించి దవతిష్ఠతే స్వేన రూపేణ -
విశేషా ఏవ హి తే పరస్పర వ్యావృత్తాః - విశేషాణాం సామాన్యమేవ స్వరూపం యధా ఘటాదీనాం మృత్తికా - తచ్చ సామాన్య భూత మాత్మ
Page 8
బ్రహ్మశ్రీ యల్లంరాజు శ్రీనివాస రావు