వాసనాం బద్ధ మూలం సమూల మున్మూల్య అస్మాక మవశ్యం అంతకాలే అమృతత్వ మేవాను గ్రహిష్యతీతి ఆశాస్మహే
భవత్వియ మాశీ స్సర్వేషాం నో మర్త్యానాం స్పృహణీయైవ - కిం త్వంతతో గత్వా కాచి దన్యా ఆశంకా వర్తతే యదనపా కరణే నిర్భయేన గంతుం నోత్సహా మహే మోక్షమార్గే - సా కీ దృశీతి చేదుచ్యతే - దేహా దపక్రమ్యైవ అహం సర్వవ్యాపకో భవేయం - వ్యాపకత్వం వినామృత్యు సమస్యాం నాపనుదేయం పరంతు దేహా దపక్రమ్య యద్యహం బహిర్భవామి తదా న మనోమే న ప్రాణః - తయోరంత రేవ సత్త్వాత్ ఏవంసతి కధం నామ అహం మనో వినా జానీయా మహమితి - కధంవా ప్రాణంవినా జీవేయం అస్మీతి - ఇతిశంకా
నైవం శంకితవ్యం యదంత ర్బహి రుపలభ్యతే అస్తిత్వం - స ఏవతే ప్రాణః - అస్తిత్వమేవ వస్తుతః ప్రాణోనామ - తద్విపర్యయేణ నాస్తిత్వ మేవ మరణం - తదిదం సామాన్య రూపమేవ అస్తిత్వం దేహాంతః ప్రవిశ్య హృదయస్పంద రూపేణ విశేషాత్మనా వర్తతే యావదాయుః - ఏతస్మిన్ విశేష రూపే తస్మిన్న సత్యపి సామాన్య రూపః ప్రాణః సర్వగతః అస్త్యేవ సత్తా లక్షణః - బహిరాగతస్య తవ న కాచిద్భీతిః కధం జీవేయమితి యతః అంతర్బహిర్వ్యాపినీ సా సత్తైవ తవ ప్రాణోభవతి శాశ్వతః - స ఏవ స్వతో నిష్పందః స్పంద రూపేణ శరీరే లక్ష్యతే - పునర్మరణకాలే బహిరాగతస్య స్పందరూపతాం విహాయ నిష్పంద రూపేణ అనువర్తతే త్వాం అతః కధం జీవేయం ప్రాణ మంతరేణేతి న భేతవ్యం -
Page 52
బ్రహ్మశ్రీ యల్లంరాజు శ్రీనివాస రావు