ఆత్మజ్ఞానమితి యత్తద్భుద్ధి వృత్తిరివ న విశేష రూపం - కింతు సామాన్యమేవ తత్ - సామాన్యం విశేషా న్సర్వాన్ వ్యాప్యావతిష్ఠతే - న ప్రచలతి యధా విశేష జ్ఞానం - విశేష జ్ఞాన మిదం తధా వ్యాప్తం న క్షమతే - న తత్ విశేషాంతరం వ్యాప్నోతి, నాపి సామాన్యం - కేవలం తావన్మాత్రమేవ పరివర్తతే - ఏవంచ జ్ఞానం నైక విధం - సామాన్యం విశేష ఇతి ద్వి ప్రకారం వర్తతే - తయోర్విశేష జ్ఞాన లక్షణా బుద్ధిః తయా బుద్ధివృత్యైవ సర్వే వయ మిదానీం జీవిత కాల మతి వాహయామః న జాతు తస్య సామాన్య జ్ఞానస్య గంధమాత్ర మప్యభి జానీమః - అత ఏవ యావదేతేన విశేషజ్ఞానేన పశ్యామః తావదేవ జీవితమితి - యదా పునర్న పశ్యామ స్తదా తన్మరణమితి మోముహ్యామహే తదాపి సామాన్యజ్ఞాన మనువర్తత ఏవేతి ప్రత్యభిజ్ఞా నాస్తినః అనాద్యవిద్యా వశాత్ సామాన్యజ్ఞాన మనువర్తమాన మపి న సంజ్ఞాయతే అస్మాభిః విశేషజ్ఞాన వాసనయా ప్రచ్ఛాది తత్వాత్ - విశేష జ్ఞానమపి వాసనారూప మాపన్న త్వాత్ వృత్తి రూపేణ న సంలక్ష్యతే మరణకాలే
తదానీమపి న సంలక్ష్యత ఏవ కేవలం - న పున రభావం గచ్ఛతి వృత్తి రూపేణ అప్రతీయ మానమపి వాసనా రూపేణ పరిణత మపతిష్ఠత ఏవ - సాచ వాసనా జననాత్ పూర్వం యధా మరణా దనంతర మపి అనువర్తతే - సైవ జన్మాంతరే పునర్వృత్తి రూపేణ పరిణమ్య ప్రాదుర్భవతి తత ఆరభ్య పున ర్యావ జ్జీవం తత్త త్కార్యాణి నిర్వర్తయతి - తదవసానే. పునర్వాసనా రూపేణ పరిణతా - ఏవం జననా జ్జననాంతరం గచ్ఛంతీ మధ్యేమధ్యే లోకాంతరేషు తత్తత్కర్మ ఫలం సుఖ దుఃఖాదిక మనుభవంతీ
Page 34
బ్రహ్మశ్రీ యల్లంరాజు శ్రీనివాస రావు