యధా కస్మిం శ్చి ద్వాహనే గచ్చతి వేగ స్తస్యోపలభ్యతే - తస్మిన్ వాహనే స్థితేసతి నాసౌ ఉపలబ్ధుం శక్యతే వాహనాదతిరిక్తః - వాహన ఏవ విలీయతే - తేనైవ ఏకతా ముపగచ్ఛతి - తధా అత్రాపి శరీర మనః ప్రాణేషు జీవత్సు తత్తద్వ్యాపారాన్ కుర్వత్సు ప్రతీయతే చైతన్య మిదం వేగ వదేవ పునర్మరణా ద్యవవస్థాసు వ్యాపార నివృత్తా చైతన్య ముపరతం తత్రైవ శరీరే అంతర్భవ తీతి ప్రతిభాతి
ఏవం నమంతవ్యం కదాపి నేదం చైతన్యం వాహనవేగ ఇవ సాగర తరంగ ఇవచ విషయ రూపం కింతు విషయి రూపమిదం అహమష్మీతి ఆత్మత్వేన అనుసంధానవశాత్ - శరీరంతు విషయ ఏవ తస్య నత ద్విషయి యధా ఆత్మా అతఏవ అనాత్మాతత్ - జ్ఞేయ రూపత్వాత్ - యదైనం వాహన వేగ ఇవ వాహనే అనాత్మ భూతే శరీరే ఆత్మా న అంతర్భవే దేకతాం వాగచ్ఛేత్ - యది గ చ్ఛే త్పున స్తద్గ్రహణాయ తతో వ్యతిరేకేణ ఆత్మనా భవితవ్యమేవ అత శ్శరీరాద్యనాత్మ విలక్షణ మేవేద మాత్మచైతన్య మితి వేదితవ్యం- యది తాదృశస్యాపి జ్ఞానస్యాభావ మిచ్ఛసి మూర్ఛా మరణాద్యవస్థాసు కధం తావంతం కాలం భావ భూతోయ మాత్మా హఠా దభావ మాపద్యేత - నైతావదేవ -
జన్మనః ప్రాగపి భవ దభిప్రాయానుసారేణ అభావ భూతా ఏవ నను సర్వే వయమాత్మానః - కధం నామ ఏవ మభావ గ్రస్తా వయం సర్వే అకస్మాన్మాతృ గర్భం ప్రవిష్టాః కధమేవం జీవామః యావదాయుః – కధంచ పునరేవం జీవంత ఏవ హఠా న్మరణకాలే అభావం ప్రాప్స్యామః - న భావః కదాప్య భావో భవతి - నాప్యభావః భావో భవతి - యద్యేవ ముచ్యతే
Page 32
బ్రహ్మశ్రీ యల్లంరాజు శ్రీనివాస రావు