ఆభిల ఆ అద్వైతామృత సారః శరీరే తస్య ప్రవేశః కల్ప్యతే - కధ మనయా కల్పనయా జీవోప్యాత్మైవేతి గ్రహీతుం శక్యతే ఇతి న చోదయితవ్యం - యదా ఆత్మైవ సర్వత్రాస్తి స శరీరా దృహిర్యధా శరీరస్యాంతరపి వర్తత ఏవ వస్తుతః - న పునః శరీరే ప్రవేశం కుర్యాత్ అపూర్వం - తధాపి శరీరే న ఆత్మా కింతు తద్విపర్యయేణ కోప్యహం కర్తా భోక్తా అస్మీతి భ్రాంతి రస్మాకం సర్వేషాం - ఇమాం భ్రాంతి మపవదితుం ఏషా ఉక్తిః శాస్త్రస్య - శరీరే స ఏవాత్మా ప్రవిష్టః నాన్యఃకోపి యధాత్వం సంభావయసీతి - ఏవమపి శరీరే ప్రవిష్ట ఇతి కిముచ్యతే ఉచ్యతే చే త్సర్వేష్వపి పదార్దేషు ప్రవిష్ట ఇతి కిమితి నోచ్యేత - ఇతి పునరా శంకా
శరీరే అస్మాకం యా బుద్ధి ర్వివేచనాత్మికా పైవాలం సార్వత్రిక మాత్మానం సర్వత్ర భావయితుం - అత శ్శరీరే ప్రవిష్ట ఇతి పరమాత్మనో జీవ రూపేణ ప్రవేశః అధ్యారోప్యతే - యధా సర్వత్ర విద్యమానాన్యపి వస్తూని న కాష్ఠకుడ్యాదిషు విభావ్యంతే- అపితు దర్పణాదిష్వేవ స్వచ్ఛ స్వభావేషూ ప లభ్యంతే యాధా తధ్యేన- ఏవమత్రాపి సర్వగతో ప్యాత్మాన అచేతనేషు శిలామృత్తికాదిషు నాపి అల్పచేతనేషు పశు పక్ష్యాది శరీరేషు కింతు మానవశరీరే తత్రాపి దర్పణవ న్నిర్మలీభూతే మనస్యేవ ఆవిర్భవతీతి బోధయితుం తత్రైవ ఆత్మనః ప్రవేశః కల్ప్యతే - ఏవ ముభయధాపి సృష్టి ప్రవేశ వ్యాజేన ఆత్మైకత్వం ప్రతిబోధ్య జీవజగ త్సత్యత్వ భ్రాంతి మపనుదతి శాస్త్రం - తత్రాపి అచేతనత్వాత్ ప్రపంచస్య సృష్టిః కల్ప్యతే చేతనత్వా జ్జీవస్య ప్రవేశః - యస్మా చ్చైతన్యం న విక్రియతే నిర్వికల్పత్వా చైతన్యస్య తదేవ అచేతనత్వా జ్జగతః విక్రియా మా పద్యత ఇతి సృష్టిరితి వర్జ్యతే
Page 22
బ్రహ్మశ్రీ యల్లంరాజు శ్రీనివాస రావు