అస్యార్థః బహుభిర్న గృహీతః - అతః ప్రపంచయిష్యామి - అంతకాలః మరణకాలః - సఏవ పరీక్షా నః సర్వాత్మ భావం ప్రతిపన్నావయం నవా ప్రతిపన్నా ఇతి కధం తన్నిశ్చీయతే - మామేవ స్మరన్ మామితి ఆత్మాన మేవ సర్వాత్మత్వేన యో భావయతి నపునర్దేహ మాత్ర పరిచ్ఛిన్న తయా ముక్త్వా కళేబరం - తదైవ పరిచ్ఛిన్న మేవం దేహాత్మ భావం మోక్తుం క్షమతే - తమేతం కళేబరం కాలసాత్కృత ముపేక్ష్య తతో పక్రమ్య యః ప్రయాతి యశ్శరీరా దృహిర్గచ్ఛతి - గచ్ఛతీతి నదేశే కాలేవా ఇతిభ్రమితవ్యం దేశకాలయో స్సర్వాత్మ నా తేన ఆక్రాంతత్వా దాత్మసా త్కృతత్వాచ్ఛ - తర్హి గచ్ఛతీత్యస్యకోర్థః - స్వస్మి న్నేవ సర్వాత్మని సర్వత్ర వ్యాప్నువానే వీరవిహారం కరోతీతి భావః – సోయ మేవం లక్షణో జీవన్ముక్తో విద్వాన్ మద్భావా య యావ జ్జీవం సర్వాత్మ వాసనయా వాసితోయం సర్వాత్మాన మేవ ఆత్మానం అవగమ్య సర్వత్రా వస్థిత ఏవ భవతి - నపునః కస్మింశ్చిచ్ఛరరైక దేశే నియంత్రితో భవతి - నాస్త్యత్ర సంశయః - తధా భవతి నానవేతి అధునా జీవితకాలే సంశయో భవతి సర్వేషాం - తధా న కార్యః సంశయః అవశ్యం భవతి సోను భవః ఇతి అభయం ప్రయచ్ఛతి త్రికాలజ్ఞో భగవాన్
భవ త్వేవం సర్వాత్మా అమృతాం స్థితిం ప్రాప్య్వతి - తధాపి పునః తస్యాః స్థితే శ్చ్యుతో నస్యాదితి కః ప్రత్యయః - తధా కదాపి నస్యా దితి మృత్యుంజయ సూక్తమేవ నః ప్రమాణ మత్ర - తధాహి -
త్రియంబకం యజా మహే - సుగంధిం పుష్టివర్ధనం ఉర్వారుక మివ బంధనా - స్మృత్యోర్ముక్షీయ మా మృతాత్
Page 86
బ్రహ్మశ్రీ యల్లంరాజు శ్రీనివాస రావు