భావయేత్ ఏవం కుర్వాణా బుద్ధి రేషా క్రమేణ సద్భావన యైవ భావితాస్యాత్ – న అసద్భావనయా వ్యాధి మూర్ధా మరణాది సంబంధిన్యా
యదైవం అంతతో గత్వా మరణ కాలేపి సమా యాతే న భేతవ్యం మరణం భవిష్యతీతి - బుద్ధిం వినాసాన భవిష్యతి - సాచేయం తదానీంన మరణ విషయా సవికల్పా- కింతు సర్వాత్మ విషయా నిర్వికల్పా తదా మరణ విషయా స వికల్పా బుద్ధి రవశ్య మస్తముపయాతి - తస్యా మస్త మితాయామపి నిర్వికల్పా అను వర్తత ఏవ - తత్కధ మితి న విస్మయః కర్తవ్యః - స వికల్పా బుద్ధి రసద్విషయా - వికల్పానా మసత్త్వాత్ మరణా దయో హి వికల్పాః - అత స్తద్విషయా బుద్ధిరపి సవికల్పై వేతి అస్తముపేయా దేవ తద్విపర్యయేణ నిర్వికల్పైషా బుద్ధి స్సద్విషయా నకదాపి అస్తముపైతి - ప్రత్యుత మరణ కాలేపి అనువర్తత ఏవ సదా సద్భావనయా భావితత్వాత్
సద్భావితా బుద్ధి స్సత్యేవ నా సతీ కదాపి తధా చోక్తం భగవత్పాదైః కఠోపనిషద్భాష్యే - బుద్ధిశ్చనః ప్రవిలీయ మానా సత్ప్రత్యయ గర్భైవ ప్రవిలీయ త ఇతి - కిమస్య తాత్పర్యం - బుద్ధిరిత్యహమేవ జ్ఞానస్వరూపః - సాయావ త్సవికల్పా భవతితావ దహమపి సవికల్పా మేవతా మనుసరన్ యావజ్జీవం సవికల్ప జీవితమేవ జీవామి - అంతే సవికల్ప మిదం జీవితం యదా మరణ రూపం వికల్పం భజతే అహ మపి మరణ బుద్ధ్యా మరణమే వానుభవిష్యామి - తద్విపర్యయేణ యదామే బుద్ధి రసద్భావనా మపహాయ సత్తామేవాత్మనః భావయంతీ సత్తయైవ వాసితా భవతి జీవితాం తే సా సద్భావనైవా నువర్తతే నవ్యావర్తతే మరణాద్యస ద్భావన యేతి - సత్తాయా స్సార్వ కాలికత్వాత్ ఇతి భాష్యకారస్య హృదయం -
Page 83
బ్రహ్మశ్రీ యల్లంరాజు శ్రీనివాస రావు