భవతు సర్వ మష్యహ మేవేతి అనుసంద ధానస్య ఏవం నిధ్యాయతో మమన కాచిద్భీతిః యస్మా దహమేవ వస్తుతః తైస్టై రాకారై ర్విశ్వమఖిలం వ్యాప్యావస్థితః - గృహక్షేత్ర పర్వత పట్టణాది రూపేణ ఘనీ భూతోహ మేవ నదీ సరస్సాగర రూపేణ ద్రవీభూతోహమేవ - రేఖా రూపేణ వృక్షోహం అండాకారేణ పృధివ్యాదిరహం త్రికోణ రూపేణ పర్వతోహం - క్వచిత్ ఉచ్చూన రూపోహం క్వచి దాశ్యాన రూపోహం క్వచి దుపశాంతోహం క్వచి దన్యత్ర క్షుభితోహ - మిత్యేవ మాత్మా నమేవా హ మాత్మన్యేవా త్మైవాహం వీక్షమాణ స్తిష్ఠా మీతి నిరంతర మేవం మన్వానస్య వీక్షమాణస్య చేష్ట మానస్య మమ నకాచి ద్భీతిః - అన్యశ్చే న్మదపేక్షయా తస్మాద్భీతి స్సంభావ్యేత అహమేవ చిత్స్వరూప స్సర్వత్ర వ్యాప్యావస్థితః సర్వమప్యహమేవేతి సర్వాత్మభావే అనుభూయమానే కుతో మమ సమస్యా కుతోవా మమ భీతిః - కుతోవా తత్పరిహార ప్రయాసః -
భవతు - సర్వమిదం రమణీయ మేవ శ్రోతుం మంతు మపి పరంతు స్వస్థ దశాయాం తత్రాపి అవధాన పరాయా మస్మద్బుద్ధ్యామేషో నుభవ స్సంభావ్యతాం నామ - సర్వకాలం స్వస్థా ఏవభవామ ఇతి నశక్యతే వక్తుం - అంతరాంతరా వ్యాధయో నానావిధా శ్శరీర మిదం పీడయంతి బహువిధా ఆధయోపి పుత్రకళత్రాది సంబంధినః ద్రవ్య క్షేత్రాది సంబంధినోపి సంభవేయుః - అపిచ జాగ్రత్కాలే కదంచి దియ మద్వైత దృష్టిః పరిపాలితాపి స్వప్న నిద్రామూర్భాపస్మారాదిషు విలుప్యత ఏవ యదైవం శ్వోమరణ కాలే సా అనువర్తత ఇతి కథం విశ్వసితవ్యం స్వప్నవా ర్తైవసా - తదా వయం కిం భవిష్యామః క్వవా గమిష్యామ ఇతి నకేనాపి శక్యతే వక్తుం - నచకేనాపి ప్రవృత్తి రస్మాక మభిజ్ఞాతు మపి పార్యతే - తదా చైతన్య మిదం క్వగతం మమ - సత్తా మదీయా క్వయాతేతి
Page 80
బ్రహ్మశ్రీ యల్లంరాజు శ్రీనివాస రావు