మమ పురోదృశ్యమానం అహమితివా తత్రైవాహమితివా సంభావయామి - కదాపి - నైవ - తతః పృథగేవాహ మితి జానంతి సర్వే - నకోపి లోకే జ్ఞాన గోచరం జ్ఞానమేవేతి గృష్ణతి - శరీర మపి మే తథా జ్ఞాన గోచర మేవ యథా ఘటపటాది వస్తుజాతం - అస్మిన్నర్లైన కస్యాపి విప్రతి పత్తిః ఏవంచ శరీరే యధా శరీరాత్ బహిరపి అస్మ్యేవాహం పృథగ్భూతత్వాత్ పృథగ్భూతత్వా దేవ శరీరే మమ యధా శరీరా దృహిరపి అస్తితా మమ సమానైవ - న పున శ్శరీరం విహాయ బహి రాగంతుం ప్రయత్నః ఆవశ్యకః ప్రయత్న మంతరేణైవ అస్మి సర్వత్రేతి సంవేదనా నిసర్గత ఏవ జాయతే మమ తవచ
తత్కథ మితి న పునః పున శ్చోదనీయం - సత్తా మదీయా సార్వత్రికీ వా నవా - సార్వత్రికీ నచేదయం ఘటోస్తి అయం పటోస్తీతి బాహ్యం యధా వస్తు జాతం తధా శరీర మనః ప్రాణాదిరపి సంఘాతోయ మస్తీతి సర్వత్ర అస్తితా నోపలభ్యేత - ఉపలభ్యతేతు - తస్మా దస్తితా మే సార్వత్రికీతి అంగీకర్తవ్యం - అస్తితా యదా సార్వత్రికీ అహమపి జ్ఞాన స్వరూప స్సార్వత్రికో భవేయం - అన్యధా సార్వత్రికీసా అస్తితా ప్రామాణికీ నస్యాత్ ప్రమాణం జ్ఞాన స్వరూపోహమే వేతి ప్రాగేవాభిహితం - అతః సార్వత్రికీ అస్తితా మదీయైవేతి అహమపి తయాసహ సర్వత్ర భవామ్యేవా వశ్యం నైకస్మిన్ శరీరైక దేశే అపిచ సర్వ త్రాహమితి సర్వాత్మ భావో మమ నాంతరీయకః - న అపూర్వం కుతశ్చి దాహర్తవ్యః - కింతు ఏతావానేవ యత్నః యదేవం సదాత్మికా నిర్వికల్పా బుద్ధి వృత్తి రేవ కేవల మవలంబనీయా - ఏషా బుద్ధివృత్తి రేవవస్తుతః నిదిధ్యాసేతి శబ్దాంతరేణ వ్యపదిశ్యతే
Page 69
బ్రహ్మశ్రీ యల్లంరాజు శ్రీనివాస రావు