స ఏవ శాస్త్రార్థః అన్యేభ్యో జిజ్ఞాసు జనేభ్యః ఉపదేష్టవ్యః - యతః స్వయం తీర్ణః పరాం స్తారయే దితి న్యాయః - తధాహి - స్వాధ్యాయ ప్రపచనాభ్యాం న ప్రమదితప్యమితి శ్రుతివాక్యమపి అనేన న్యాయేన సంవదతే - తత్ర స్వాధ్యాయః ఆత్మనే ప్రవచనం పరస్మై ఇతి వివేకః - పరార్థమపి కృతం ప్రవచన మాత్మనః ఉపకరోతీతి భగవత్పాదై స్సమర్థితం - కథమితి చేత్తద విస్మరణార్థ మితి తైరేవ హేతు రుపన్యస్తః -
ఏష ఏవ అర్థః దక్షిణామూర్తి ఫలశ్రుతా వపి నిబద్దః ఆచార్యేణ 'తేనాస్య శ్రవణా త్తదర్ధ మననా ధ్యానాచ్చ సంకీర్తనా దితి' తత్ర శ్రవణ మన నధ్యా నాని త్రీణ్యపి సాధనాని ఉక్వా పశ్చాత్సంకీర్తన శబ్దేన ప్రవచనా పరపర్యాయం ప్రచార మప్యుక్తవాన్ - శ్రవణా దీని విచార శ్చే త్సంకీర్తనం ప్రచారః - విచారః ఆత్మార్థం కృతోపి హేతు దృష్టాంతాభ్యాం ఉపబృంహిత ఏవాసౌ - సఏవ యదా ప్రచారం నీయతే శ్రోతృభ్యః తదా హేతుదృష్టాంతా సమ్యక్రకాశయితవ్యౌ భవతః - తధైవ అకార్డు రాచార్యాః స్వకీయేషు భాష్య గ్రంధేషు స్తోత్ర గ్రంధేషుచ సర్వత్ర సాకల్యేన - వాచాపితత్ర తత్ర ప్రఖ్యాపయామాసుః
వస్తుతః హేతు దృష్టాంత ప్రతిపాద నేనైవ శాస్త్రార్థః కోపి స్థూణా నిఖనన న్యాయేన దృఢత్వమా పద్యతే - జిజ్ఞాసూనాం హృదయేషుచ విశ్వాస ముత్పాదయితు మవకల్పతే ఇతి సర్వధా జానాతి పదవాక్య ప్రమాణ పారీణః భాష్య కారః - అతఏవ తదీయం భాష్యత్రయ మా మూలాగ్ర మా కలయతా మస్మాదృశా మల్ప ప్రజ్ఞానా మపి అవిచలో విశ్వాసో జాతః జాయతేచ అద్వైత సిద్ధాంతే - కింత్వయం సిద్ధాంతః కధం నామ మమ దైనం దిన వ్యవహారే దృష్టాంతో భవేదిత్యేవ మే చింతా సంప్రతి సాపి చింతా నకార్యా యస్మా త్సిద్ధాంతానుభవయో రద్వైత దర్శనే నభేదోస్తి
Page 5
బ్రహ్మశ్రీ యల్లంరాజు శ్రీనివాస రావు