ఏవేతి శరీరమేవాహ మస్మీతి సర్వేషా మస్మాక మను భవః - తధైవ సంవేదయతే సర్వోపి - శరీరే అహమితి చేత్త ద్వరం శరీరమేవాహ మితి సంవేదనాయాః - సంప్రత్యహం మమ గృహేతిష్ఠామి - గృహే తిష్ఠా మ్యేవ కేవలం నతు గృహమే వాహమితి కదాచి ద్ర్భాంతి ముప గచ్ఛామి భ్రాంతో యది తతో బహిరాగంతుం న కదాపి శక్నుయాం కింతు యధా గృహస్యాంత స్తధా బహిర్భవితు మపి శక్తాహం – కథ మేవం భవతి - గృహా దన్యోహ మితి నిశ్చితా మే బుద్ధిః - అత ఏవ అంతర్బహి ర్భవితు మవకాశోస్తి మమ
ఏవం యది శరీర విషయే ప్యస్త్యవ కాశః తదా న కశ్చి ద్బాధో మమ - కంచిత్కాల మస్మిన్ శరీరే స్థిత్వా యదా బహిరా గంతు మిచ్ఛామి తదా అయత్నే నైవ ఆగచ్ఛామి పరం ప్రయత్నం కుర్వాణోపి న తధా కర్తుం ప్రభవామీతి కిమత్ర కారణం సర్వత్రచే దహం వ్యాప్తోస్మి కి మేవం శరీరైక దేశే నియంత్రితోస్మి - అపిచ సద్వికల్పాన్యేవ శరీరాణి నామ ఏవం సతి శరీర నిర్విశేషా ణ్యేవ పదార్థ జాతాని తేషాం విశేషాణా మేక తమ మేవ మమ శరీరమితి కధ మనే నైవ తాదాత్మ్య ముప గతోస్మి - సర్వాణ్యపి శరీరాణ్యేవేతి తైరపి ఏకతా ముప గచ్ఛేయం యధా ప్రకృతేన శరీరే ణానేన - యది న గచ్ఛేయ మ నాపి నగచ్ఛేయ మేకత్వం తద్విపర్యయేణ అన్యాని సర్వాణి విహాయ అనైనైవ ఏకతా ముపగతః అ వినా భూత స్సంజాత ఇతి కి మనుప పన్నం న ప్రతి భాతి తవ - యది పరమార్థత ఏవ సర్వత్రాహ మస్మీతి తే సిద్ధాంతః తదా నశరీరైక దేశే బద్ధః స్యామహం - శరీర పంజర మేత ద్భిత్వా విహంగమ ఇవ స్వేచ్ఛయా సర్వత్ర సంచరేయం
Page 25
బ్రహ్మశ్రీ యల్లంరాజు శ్రీనివాస రావు