ఘన రూపేణ ప్రతీయతే విషమం - తత్తు వైషమ్య మస్మద్డృష్టేరేవ - న సముద్ర దృష్ట్యా - తస్యతు సర్వం భావ జాతం జలరూపేణ ఏకమేవ తత్వం ఆత్మనః సజాతీయం
ఏవ మిహాపి అనుసంధాతవ్యం - నదీ సముద్ర రూపేణ యద్ధవమివ స్వ శరీర గృహారామ పర్వత పత్తనాది రూపేణ యజ్ఞానం పృధివీ సూర్యగ్రహాది రూపేణ యదతి ఘనమివ ఏతత్ప్రతీయతే జగత్ – తదిదం కృత్స్న మపి మదీయా సత్తైవ తాం తాం భూమికాం ధృత్వా సంలక్ష్యతే తాశ్చ భూమికాః సంహతా అపి పున రసంహత రూపా సత్తెవ - సాచ పున రహమేవ ఇతి సద్యః అనుసంధాతుం శక్యత ఏవ - ఏవ మను సందధానస్య సాధకస్య న తాదృశో భారః యాదృశం వయం సంభావ యామః - ఏతావతా మయాసహ సర్వమిదం మయా ఉపలభ్యమానం భావజాతం సంహతాసంహత రూప మహమేవ నాన్య న్మత్తో విలక్షణ మితి ఏకాత్మ భావః అయత్నేనైవ సంపద్యమానః అలౌకికీం కాంచి దనుభూతిం మమ ప్రయచ్ఛతి
భవతు నామైవం – తధాపి అస్యాం జాగ్రద్దశాయాం తత్రాపి యావత్ స్వస్థా భవామ స్తవ దేషా దృష్టి రను వర్తేత - కింతు సర్వదా జాగ్రదేవ న భవతి - సర్వదా స్వస్థతైవ స్యాదితి న శక్యతే వక్తుం - స్వప్న సుషుప్త మూర్ఛాది దశాసు కా గతిః - తదా దృష్టిరేవ విలుప్యతే - మరణే పున స్సర్వాత్మనా విలీయతే - ఏతాసు సర్వాస్వప్యవస్థాసు కేవయం కిమిదం జగ చ్చరాచరాత్మకం - కస్యచి త్ప్రవృత్తి ర్నోపలభ్యతే - క్వ గతోహం క్వవా అయం ప్రపంచ ఇతి వార్తాపి న శ్రూయతే - న సంవేద్యతే - శ్రోతుం
Page 55
బ్రహ్మశ్రీ యల్లంరాజు శ్రీనివాస రావు