భవతి వా నవేతి చింతా - అపిచ బాహ్యం జగత్ బింబ భూతత్వాత్ సత్యం ఇయంతు తస్య ప్రతిబింబ రూపాజాయతే వృత్తిర్మనసి - కధ మేషా ప్రత్యేతవ్యా వాస్తవీతి అన్యాపి కాచిదస్తి ఆశంకా - ఏతయో రాశంకయో ర్ధ్వయో ర్యావ దనుషంగః తావచ్చరణ లగ్న కంటక ఇవ న మోక్ష మార్గే నిరాతంకం ప్రయాతు మవకాశం దదాతి - అతస్త దపాకరణాయ విచారణా క్రియతే
ఆదౌ బింబ ప్రతిబింబ భావ ఏవ న విద్యతే అద్వైత ప్రక్రియాయాం బింబమితి యన్మన్యతే భవాన్ తత్ప్రతి బింబమేవ బింబ వత్ భ్రాంతి మావహతి తవ వస్తుతస్తు సర్వం వస్తుజాతం బాహ్య మాభ్యంతరం ద్వివిధ మపి ప్రతిబింబ మేవేతి సిద్ధాంతః - కధమితి చేత్సర్వం నామ రూపాది వికార జాత మస్మ చ్చైతన్య దర్పణాంత రేవ ఉపలభ్యతే - న చైతన్య దర్పణాద్బహిః కించిదపి నామవా రూపంవా క్రియావా ద్రష్టుమపి శక్యతే - తధాహి సర్వేపి బౌద్ధాః ప్రత్యయా స్సంతీతి వక్తి భవాన్ - తధా సర్వమపి గిరి నదీ సముద్రాదికం వస్తుజాతం అస్తీతి బ్రవీషి - సర్వమిదం అస్తీతి కుత్ర ప్రతీయతే తవ - నను జ్ఞానస్యాంతరేవ - యది జ్ఞానేన న వ్యాప్యతే తత్ కధ మస్తీతి వక్తుం ప్రభవసి - అతః యత్కించి ద్దోచరీ భవతి తవ తత్తవ జ్ఞానస్యాభ్యంతర ఏవ న జ్ఞానాద్బహిః - బహిశ్చే త్తదస్తివా నవేతి నిర్ధారయితుం ప్రమాణం న విద్యతే
ప్రమాణం తు జ్ఞానమేవ సర్వత్ర సర్వదా - అతః యది హిమాలయో యదివా మహాసముద్రః కోపి తవ ప్రతీయతే అస్తీతి తత్ జ్ఞానాద్భహిః న క్వాపి - కింతు తదంతర ఏవేతి నిశ్చిను - యది నామ బహిరేవ కశ్చిత్
Page 42
బ్రహ్మశ్రీ యల్లంరాజు శ్రీనివాస రావు