తస్మాద్విశేష దృష్టి రేవ కేవల మపవార్యా - తస్యాః స్థానే సామాన్య దృష్టి రభ్యసనీయా – దృష్టి రేవాహం వస్తుతః న తతః పృధగ్భూతః - అత స్సామాన్య దృష్టి మవలంబ్య తయా దృష్ట్యా అంత స్తత్త న్నామరూపాది విశేష ప్రతిబింబాని బహి స్తద్భింబ భూతాని వస్తూని పశ్యేయ మహం అంత స్సామాన్యం కేవల మహమస్మీతి ఆత్మాకారం స్ఫురణ మేవ నిరీక్ష్యతే తదా - తధా బాహ్యం పదార్థజాతం స్ఫురణ మేవ సంహత రూపేణ తదంతరాళ మాకాశ ఇవ అసంహత రూపేణ దృశ్యతే మమ అవశ్యం
ఏవంచ సంహతాసంహత రూపేణ అస్మదీయా స్ఫూర్తి రేవ బాహ్యేపి ప్రపంచే ప్రతిభాతీతి ప్రజ్ఞా కాపి జాయతే మమ - తదానీ మంత ర్యశ్చైతన్య ప్రకాశః స ఏవ మమ మనః స ఏవ మమ ప్రాణః స ఏవేంద్రియాణి స ఏ వేదం మే శరీరం స ఏవ బహి స్సర్వత్ర పృధివ్యాదీని భూతాని - తేషాం వికారాశ్చ భౌతికా గృహారామ నదీ సాగర సూర్య చంద్రాది మండలాని సర్వాణి కిం బహునా యద్య త్తత్ప్ర కాశేన ప్రకాశ్యతే తత్సర్వం ప్రకాశేన అనన్యదితి అస్మచ్చైతన్య ప్రకాశ ఏవ క్వచి దసంహత రూపేణ ఆకాశవత్ - అన్యత్ర నదీ పర్వత పట్టణాదినా సంహత రూపేణ ఏకమేవ వస్తు అనేకధా విభావ్యతే ఇతి కాచిదత్యాశ్చర్య భూతా అనుభూతి రావిర్భవతి సాధకానాం
Page 40
బ్రహ్మశ్రీ యల్లంరాజు శ్రీనివాస రావు