రూపాది జగద్రూపేణ భవామీతి ఏకాత్మ ప్రత్యయ అవశ్యం ఉత్పద్యతే మమ - ఇదమేవ ప్రవిలాపన మితి సంకీర్త్యతే
అత్రేయ మపరాశంకా కేషాంచిత్- భవత్వేవ మహం స్వరూపం మమైవాయం ప్రపంచో విభూతిరితి తధాపి జనన మరణాది సమస్యా కధం పరిప్రియతే ఇతి - అవశ్యం పరిప్రియతే - కధమితి చేత్ యా విభూతిః సా మ దృతే స్వతో న భవతి - మదీయం యచ్చైతన్యం తదేవైకం స్వరూపేణ విభూతి రూపేణచ ఉభయధా ప్రతీయతే - యధా జలం జలరూపేణ తరంగ రూపేణచ - ఏవం సతి బహిరంత ర్యేయే ఆకారా ఉపలభ్యంతే యేయే తేషాం వ్యాపారా స్తాన్సర్వా నహమేవ సచ్చిద్రూపేణ వ్యాప్త ఇతి మత్స్వరూపా ఏవతే సర్వే - శరీర మప్యహమేవ తదీయం జననం మరణ మప్యహమేవ - నామరూప క్రియాసు సర్వత్రాహ మేవ సన్నిహితః సచ్చిద్రూపేణ - నతే విశేషా మాం వ్యాప్తుం శక్నువంతి ప్రత్యుత అహంతు సామాన్య రూపత్వా త్తాన్ సర్వానపి ఆకలయితుం శక్నోమి ఏవం మచ్చైతన్యేన ఆక్రాంతం జన్మవా మృత్యుర్వా ఆత్మైవ మమ సంపద్యేత న అనాత్మా - యదైవ మాత్మైవ తత్కధ మాత్మాస దాత్మాన మభిభవేత్ - ఆత్మన ఏవ ఉపద్రవ మాపాదయేత్
తస్మాత్ సర్వస్య ఆత్మ భూతత్వాత్ శరీర మనః ప్రాణాది సంఘాత మారభ్య బాహ్యం భూత భౌతికాది పదార్థజాతం యావత్ కుతశ్చిదపి న భేతవ్య మస్మాభిః ఇదం మాం పీడ యిష్యతీతి - పరంతు తాదృశీ దృష్టి స్సంపాదనీయా సాధకై రస్మాభిః - నోచేత్ సిద్ధాంత ఏవ కేవలోయం న కదాచి దృష్టాంతో భవిష్యతి - యద్యపి వస్తు సిద్ధం తత్ యావద్బుద్ధి
Page 38
బ్రహ్మశ్రీ యల్లంరాజు శ్రీనివాస రావు