తేచ నామరూపే విశేషాత్మకే - తత్రాపి నామ అంతర శ్చిద్విశేషః -రూపంచ బాహిరం సద్విశేషః - సచ్చితో స్సామాన్య భూతయో ర్విశేషావేతౌ నామైన వస్తుతో జీవః రూపమేవ జగత్ - ద్వయో స్సం వ్యవహార ఏవ సంసారో నామ రూపస్య ప్రతిబింబేన సంవళితా చిత్తవృత్తి ర్జీవః చిత్తవృత్త్యాచ విషయీకృతం తయాచ మిశ్రీ భూతం యత్ప్రతీయతే తద్రూపం ఏవ ముభయో స్సంవ్యవహారే సతి న కేవల రూపాత్మకం జగత్ సంసార క్లేశ మనుభవతి అచేతనత్వాత్ నాపి అనామ రూపాత్మకం ఆత్మచైతన్య మనుభవతి పరిపూర్ణ చైతన్య రూప త్వాత్ తర్హికస్యైష సాంసారిక స్తాప ఇతిచేత్ - యన్న జగదివ అచేతనం న ఆత్మేవ శుద్ధ చైతన్యరూపం కింతు చేతనా చేతనయో స్సమ్మిశ్ర రూపం తదేవా నుభవతి - స ఏవ జీవో నామ - చిదచితో రంధి ర్జీవ ఇతి శాస్త్ర పరిభాషా
ఇదానీం సర్వే వయం జీవాఏవ అహమహ మితి ఆత్మానం నిర్దిశామో వయం - జ్ఞాన స్వరూపా ఏవ వయం సర్వే - కింతు న తత్ పరిపూర్ణం - తదనుభవ సిద్ధ మేవ నః - అతఏవ తత్పరిపూర్ణతా సిద్ధయే తత్త చ్ఛాస్త్ర కళాభ్యసనాది ప్రయత్న స్సర్వేషాం - జ్ఞానం విద్యమానమపి కథ మపరిపూర్ణం సంవృత్తం - నిరాకారం ఖలు జ్ఞానం నిరాకారస్య కథ మపరిపూర్ణతా పరిపూర్ణతేతి ప్రశ్న ఉదేతి -న వస్తుతః అపరిపూర్ణతా పరిపూర్ణ మేవ తత్సర్వదా - తధాపి బాహ్యస్య జగతః కశ్చిదంశః అస్మదీయే జ్ఞానే సంక్రాంతః - స ఏవాయం శరీర మనః ప్రాణాది సంఘాతః ఇదం తయా దృశ్యమానో ప్యయం అహమితి అభిమన్యామహే వయమేనం అభిమానస్య అనాదికాల ప్రవృత్తత్వా దృఢీభూతత్వాచ్చ అనేన తాదాత్మ్య
Page 29
బ్రహ్మశ్రీ యల్లంరాజు శ్రీనివాస రావు