అధైత దాలంబ నీ కృత్య ఉపజీవతి యద్య దనుభూయతే సాంప్రతం అస్మాభిః - కిం తదితి న ప్రష్టవ్యం - అస్మాకమిదం లౌకికం జ్ఞానం తత్త ద్విషయం శాస్త్రీయ జ్ఞానం - సంగీత సాహిత్యాది కళాజ్ఞానం యజ్ఞ యాగాది జప హోమాద్యనుష్ఠాన రూపం ధర్మ జ్ఞానం - ఏత త్సర్వమపి జ్ఞానం వ్యావహారికమేవ స్వప్నజ్ఞానవత్ న పారమార్థికం - అపిచ జనన మరణాదికం ధర్మాధర్మాదికం - తన్నిమిత్తం లోకాంతర జన్మాంతర ప్రయాణం జీవస్య - పిపీలికాది బ్రహ్మ పర్యంత మేత జీవజాలం – తేషా మేతేషాం మనోవాక్కాయ కృత వ్యాపారశతం ఏతదపి కృత్స్నం వ్యావహారికమేవ -
తధాహి సర్వాణి శాస్త్రాణి విధి ప్రతిషేధ మోక్షపరాణి సర్వాణిచ ప్రమాణాని ప్రత్యక్షానుమానాగమ ప్రభృతీని సమస్తాన్యేతాని అవిద్యావ ద్విషయత్వం నాతి వర్తంతే ఇతి వేదాంత డిండిమః - యావదిదం సమస్త మాత్మ స్వరూపమేవ తస్మాదృతే నకించి దేతదితి ఆత్మైకత్వ విద్యా నోదేతి తావ త్తద్విషయా అవిద్యా అనుబధ్నాత్యేవ - యావదియ మవిద్యా తావజ్జన్మ మృత్యు సమస్యా దుష్పరిహరైవ - ఏషా సమస్యా యది సర్వాత్మనా ఉపశామ్యేత్ -తర్హి తత్కారణ భూతేయ మవిద్యా నిశ్శేషం నివర్తేత
Page 24
బ్రహ్మశ్రీ యల్లంరాజు శ్రీనివాస రావు